ಸೆ. 29ಕ್ಕೆ ಯುಟಿಐ ಎಎಂಸಿ ಐಪಿಒ
Published 24 ಸೆಪ್ಟೆಂಬರ್ 2020, 15:38 IST
ಸಾಂದರ್ಭಿಕ ಚಿತ್ರ
ನವದೆಹಲಿ: ಯುಟಿಐ ಆಸ್ತಿ ನಿರ್ವಹಣಾ ಕಂಪನಿಯ (ಎಎಂಸಿ) ಆರಂಭಿಕ ಸಾರ್ವಜನಿಕ ಕೊಡುಗೆಯು (ಐಪಿಒ) ಇದೇ ತಿಂಗಳ 29ರಿಂದ ಆರಂಭವಾಗಲಿದ್ದು, ಅಕ್ಟೋಬರ್‌ 1ಕ್ಕೆ ಮುಕ್ತಾಯವಾಗಲಿದೆ.
ಆರಂಭಿಕ ಹೂಡಿಕೆದಾರರಿಗೆ 28ರಿಂದ ಷೇರು ಖರೀದಿಗೆ ಅವಕಾಶ ಸಿಗಲಿದೆ. ಪ್ರತಿ ಷೇರಿನ ಬೆಲೆ ₹ 552 ರಿಂದ ₹ 554ರವರೆಗೆ ಇದೆ. ಐಪಿಒ ಒಟ್ಟಾರೆ ₹ 2,160 ಕೋಟಿ ಸಂಗ್ರಹಿಸುವ ನಿರೀಕ್ಷೆಯನ್ನು ಕಂಪನಿ ಇಟ್ಟುಕೊಂಡಿದೆ.
3.89 ಕೋಟಿ (ಶೇ 30.75) ಷೇರುಗಳನ್ನು ಐಪಿಒ ಮೂಲಕ ಮಾರಾಟ ಮಾಡಲಿದೆ. ಕಂಪನಿಯ ಅರ್ಹ ಸಿಬ್ಬಂದಿಗೆ 2 ಲಕ್ಷ ಷೇರುಗಳನ್ನು ಕಾಯ್ದಿರಿಸಿದೆ.
ಎಸ್‌ಬಿಐ, ಎಲ್‌ಐಸಿ ತಲಾ 1.04 ಕೋಟಿ ಷೇರುಗಳನ್ನು, ಪಿಎನ್‌ಬಿ ಮತ್ತು ಟಿ ರೋವ್‌ ಪ್ರೈಸ್‌ ಇಂಟರ್‌ನ್ಯಷನಲ್‌ ತಲಾ 38 ಲಕ್ಷ ಷೇರುಗಳನ್ನು ಮಾರಾಟ ಮಾಡಲಿವೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.