ಸಿಬಿಐಸಿ ಮುಖ್ಯಸ್ಥರಾಗಿ ಐಆರ್‌ಎಸ್‌ ಅಧಿಕಾರಿ ವಿವೇಕ್ ಚತುರ್ವೇದಿ ನೇಮಕ

ನವದೆಹಲಿ: ಪರೋಕ್ಷ ತೆರಿಗೆಗಳು ಮತ್ತು ಸುಂಕಗಳ ಕೇಂದ್ರೀಯ ಮಂಡಳಿಯ (ಸಿಬಿಐಸಿ) ಹೊಸ ಮುಖ್ಯಸ್ಥರಾಗಿ ಭಾರತೀಯ ಕಂದಾಯ ಸೇವೆಯ (ಐಆರ್‌ಎಸ್‌) ಅಧಿಕಾರಿ ವಿವೇಕ್ ಚತುರ್ವೇದಿ ಅವರನ್ನು ಕೇಂದ್ರ ಸರ್ಕಾರ ನೇಮಿಸಿದೆ.

ಸಂಜಯ್‌ ಕುಮಾರ್ ಅಗರ್ವಾಲ್ ಅವರು ನವೆಂಬರ್ 28 ನಿವೃತ್ತಿಯಾದರು. ಹೀಗಾಗಿ ಈ ಸ್ಥಾನಕ್ಕೆ ಚತುರ್ವೇದಿ ಅವರನ್ನು ನೇಮಿಸಲಾಗಿದೆ. 

ಚತುರ್ವೇದಿ ಅವರು 1990ರ ಬ್ಯಾಚ್‌ನ ಭಾರತೀಯ ಕಂದಾಯ ಸೇವೆಯ ಅಧಿಕಾರಿ ಆಗಿದ್ದಾರೆ. ಪ್ರಸ್ತುತ ಸಿಬಿಐಸಿ ಮಂಡಳಿಯ ಸದಸ್ಯರಾಗಿದ್ದಾರೆ. ನೇಮಕಾತಿ ಕುರಿತ ಸಂಪುಟ ಸಮಿತಿಯು (ಎಸಿಸಿ) ಈ ಹುದ್ದೆಗೆ ನೇಮಕ ಮಾಡಲು ಅನುಮೋದನೆ ನೀಡಿದೆ ಎಂದು ಕೇಂದ್ರ ಸಿಬ್ಬಂದಿ ಸಚಿವಾಲಯ ತಿಳಿಸಿದೆ.