ಬೆಂಗಳೂರಿನಲ್ಲಿ ವೊಡಾಫೋನ್‌ 5ಜಿ ಸೇವೆ ಆರಂಭ

ಬೆಂಗಳೂರು: ದೂರಸಂಪರ್ಕ ಸೇವಾ ಕಂಪನಿ ವೊಡಾಫೋನ್‌ ಐಡಿಯಾ, 5 ಜಿ ಸೇವೆಗಳನ್ನು ಬೆಂಗಳೂರಿನಲ್ಲಿ ಬುಧವಾರ ಆರಂಭಿಸಿದೆ.

ಮುಂಬೈ, ದೆಹಲಿ, ಪಟ್ನಾ ಮತ್ತು ಚಂಡೀಗಢದಲ್ಲಿ ವೊಡಾಫೋನ್‌ ಐಡಿಯಾದ 5ಜಿ ಸೇವೆಗಳು ಈಗಾಗಲೇ ಶುರುವಾಗಿದೆ. ದೇಶದ ಪ್ರಮುಖ 17 ನಗರಗಳಲ್ಲಿ ಈ ಸೇವೆ ಆರಂಭಿಸುವ ಗುರಿಯನ್ನು ಕಂಪನಿ ಹೊಂದಿದೆ. ಆರಂಭಿಕ ಬೆಲೆಯಾಗಿ ಯೋಜನೆಗಳು ₹299ರಿಂದ ಆರಂಭಗೊಳ್ಳಲಿವೆ ಎಂದು ಕಂಪನಿ ತಿಳಿಸಿದೆ.

ಬಳಕೆದಾರರಿಗೆ ಉತ್ತಮ ನೆಟ್‌ವರ್ಕ್‌ ಸೇವೆ ಒದಗಿಸಲು ಸ್ಯಾಮ್ಸಂಗ್‌ ಜೊತೆ ಪಾಲುದಾರಿಕೆ ಮಾಡಿಕೊಳ್ಳಲಾಗಿದೆ ಎಂದು ಕಂಪನಿ ತಿಳಿಸಿದೆ.