ಮ್ಯೂಚುವಲ್‌ ಫಂಡ್: 72 ಲಕ್ಷ ಹೊಸ ಖಾತೆ ಸೇರ್ಪಡೆ

ನವದೆಹಲಿ: ಮ್ಯೂಚುವಲ್‌ ಫಂಡ್‌ ಉದ್ಯಮಕ್ಕೆ 2020ರಲ್ಲಿ ಹೊಸದಾಗಿ 72 ಲಕ್ಷ ಖಾತೆಗಳು (ಫೋಲಿಯೊ) ಸೇರ್ಪಡೆಯಾಗಿವೆ. ಇದರಿಂದಾಗಿ ಒಟ್ಟಾರೆ ಖಾತೆಗಳ ಸಂಖ್ಯೆ 9.43 ಕೋಟಿಗಳಿಗೆ ತಲುಪಿದೆ.

2019ರಲ್ಲಿ ಹೊಸದಾಗಿ 68 ಲಕ್ಷ ಹೂಡಿಕೆದಾರರ ಖಾತೆಗಳು ಸೇರ್ಪಡೆಯಾಗಿದ್ದವು. ಅದರಿಂದಾಗಿ ಒಟ್ಟು ಖಾತೆಗಳ ಸಂಖ್ಯೆ 8.71 ಕೋಟಿಗಳಿಗೆ ತಲುಪಿತ್ತು ಎಂದು ಭಾರತೀಯ ಮ್ಯೂಚುವಲ್ ಫಂಡ್‌ ಸಂಸ್ಥೆಗಳ ಒಕ್ಕೂಟ (ಎಎಂಎಫ್‌ಐ) ಹೇಳಿದೆ.

ಬ್ಯಾಂಕ್‌ ಠೇವಣಿಗಳಿಗೆ ಕಡಿಮೆ ಬಡ್ಡಿದರ ಇರುವುದರಿಂದ ಹೂಡಿಕೆದಾರರು ಮ್ಯೂಚುವಲ್ ಫಂಡ್‌ಗಳತ್ತ ಆಕರ್ಷಿತರಾಗಿದ್ದಾರೆ ಎಂದು ತಜ್ಞರು ವಿಶ್ಲೇಷಿಸಿದ್ದಾರೆ.