ಬಾದಾಮಿ: ಮೊಬೈಲ್ ಅಂಗಡಿ ಕಳ್ಳತನ

ಬಾದಾಮಿ: ಬಸ್ ನಿಲ್ದಾಣದ ಎದುರಿಗೆ ಶನಿವಾರ ತಡ ರಾತ್ರಿ ಕಳ್ಳರು ಜಬ್ಬರ ಖಾಜಿ ಎಂಬುವವರ ಮೊಬೈಲ್ ಅಂಗಡಿಗೆ ಕನ್ನ ಹಾಕಿ 60ಕ್ಕೂ ಅಧಿಕ ಮೊಬೈಲ್ ದೋಚಿಕೊಂಡು ಪರಾರಿಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪಕ್ಕದ ಸೋಡಾ ಅಂಗಡಿ ಮೂಲಕ ಗೋಡೆಯನ್ನು ಒಡೆದು ಮೊಬೈಲ್ ಅಂಗಡಿಗೆ ನುಗ್ಗಿ ಬೆಲೆಬಾಳುವ ವಿವಿಧ ಕಂಪನಿಗಳ ಮೊಬೈಲುಗಳನ್ನು ಕಳ್ಳರು ದೋಚಿದ್ದಾರೆ.

ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಗಳ ಪತ್ತೆಗೆ ಕ್ರಮಕೈಗೊಂಡಿದ್ದಾರೆ.