ಗುಳೇದಗುಡ್ಡ | ಮಳೆಗೆ 37.42 ಹೆಕ್ಟೇರ್ ಬೆಳೆ ಹಾನಿ: ಆನಂದ ಗೌಡರ

ಗುಳೇದಗುಡ್ಡ: ತಾಲ್ಲೂಕಿನಲ್ಲಿ ಸುರಿದ ಮಳೆಯ ಪರಿಣಾಮವಾಗಿ ತಾಲ್ಲೂಕಿನಲ್ಲಿ ಅಂದಾಜು 95 ಹೆಕ್ಟೇರ್‌ನಷ್ಟು ಬೆಳೆ ಹಾನಿಯಾಗಿದೆ ಎಂದು ಕೃಷಿ ಅಧಿಕಾರಿ ಆನಂದ ಗೌಡರ ಹೇಳಿದರು.

ಅವರು ಬುಧವಾರ ತಾಲೂಕಿನ ಕಟಗೇರಿ, ಲಾಯದಗುಂದಿ, ಕೊಟ್ನಳ್ಳಿ, ಸಬ್ಬಲಹುಣಸಿ, ನಾಗರಾಳ ಎಸ್‍ಪಿ, ಅಲ್ಲೂರ ಎಸ್‍ಪಿ, ಹಂಗರಗಿ ಸೇರಿದಂತೆ ತಾಲೂಕಿನ 24 ಹಳ್ಳಿಗಳಲ್ಲಿನ ಗೋವಿನಜೋಳ 16.65 ಹೆಕ್ಟೇರ್, ಸಜ್ಜಿ 0.95 ಹೆಕ್ಟೇರ್, ಹೈಬ್ರೀಡ್ ಜೋಳ 2.7 ಹೆಕ್ಟೇರ್, ಉಳ್ಳಾಗಡ್ಡಿ 4.11ಹೆಕ್ಟೇರ್, ಹತ್ತಿ 6.4 ಹೆಕ್ಟೇರ್, ಹೆಸರು 4.86 ಹೆಕ್ಟೇರ್, ಕಬ್ಬು 0.85 ಹೆಕ್ಟೇರ್ ಬೆಳೆ ಹಾನಿಯಾಗಿದೆ ಮತ್ತು ಇತರೆ ಬೆಳೆಗಳು ಅಲ್ಪ ಪ್ರಮಾಣದಲ್ಲಿ ಹಾನಿಯಾಗಿವೆ ಎಂದು ಅವರು ತಿಳಿಸಿದ್ದಾರೆ.

‘ಈಗ ಸರ್ವೇ ಕಾರ್ಯ ಕಾರ್ಯ ಮುಗಿದಿದ್ದು, 37.42 ಹೆಕ್ಟೇರ್ ಬೆಳೆ ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದೆ. ಪ್ರಸ್ತುತ ಬೆಳೆಹಾನಿ ವರದಿಯನ್ನು ಸರ್ಕಾರಕ್ಕೆ ಸಲ್ಲಿಸಲಾಗಿದ್ದು, ಬೆಳೆ ವಿಮೆ ಮಾಡಿಸಿದ ರೈತರ ಖಾತೆಗೆ ನೇರವಾಗಿ ವಿಮೆ ಹಣ ಜಮೆಯಾಗಲಿದೆ’ ಎಂದು ತಿಳಿಸಿದರು.