ರಬಕವಿ-ಬನಹಟ್ಟಿ: ನಕಲಿ ವೈದ್ಯರ ವಿರುದ್ಧ ಪ್ರಕರಣ ದಾಖಲು

ರಬಕವಿ-ಬನಹಟ್ಟಿ: ರಬಕವಿ-ಬನಹಟ್ಟಿ ತಾಲ್ಲೂಕಿನ ಯಲ್ಲಟ್ಟಿ, ನಾವಲಗಿ, ಹನಗಂಡಿಯಲ್ಲಿ ನಕಲಿ ವೈದ್ಯರ ವಿರುದ್ಧ ಜಮಖಂಡಿ ಟಿಎಚ್ಒ ಡಾ. ಜಿ.ಎಸ್. ಗಲಗಲಿ ನೇತೃತ್ವದ ತಂಡ ದಾಳಿ ನಡೆಸಿ ಎರಡು ಆಸ್ಪತ್ರೆಗಳನ್ನು ಬಂದ್‌ ಮಾಡಿಸಿದ ಘಟನೆ ಗುರುವಾರ ನಡೆದಿದೆ.

ತಾಲೂಕಿನ ನಾವಲಗಿ ಗ್ರಾಮದ ಪ್ರವೀಣ ಮಂಟೂರಮಠ, ಯಲ್ಲಟ್ಟಿ ಗ್ರಾಮದ ರಮೇಶ ಸಂತಿ ವಿರುದ್ಧ ಜಿಲ್ಲಾ ಸಕ್ಷಮ‌ ಪ್ರಾಧಿಕಾರಕ್ಕೆ ದೂರು ಸಲ್ಲಿಸಲಾಗಿದೆ ಎಂದು ಡಾ. ಜಿ. ಎಸ್. ಗಲಗಲಿ ತಿಳಿಸಿದರು. ಹನಗಂಡಿ ಗ್ರಾಮದ ಮುನ್ನೋಳ್ಳಿ ಅವರಿಗೆ ಎಚ್ಚರಿಕೆ ನೀಡಲಾಗಿದೆ. ಯಲ್ಲಟ್ಟಿಯ ಸಂತಿಯವರಿಗೆ ಈಗಾಗಲೇ ಎಚ್ಚರಿಕೆಯನ್ನು ನೀಡಲಾಗಿತ್ತು.

ಆರೋಗ್ಯ ಅಧಿಕಾರಿಗಳಾದ ಉಮೇಶ ಜೋಶಿ, ರವಿಚಂದ್ರ ಪಾಟೀಲ, ಅಪ್ಪಾಜಿ ಹೂಗಾರ, ಪೊಲೀಸ್ ಇಲಾಖೆಯ ಎಂ.ಎಸ್. ಶೇಗುಣಸಿ ಇದ್ದರು.