ಹೃದಯಾಘಾತ | ದಂಪತಿ ಸಾವು; ಸಾವಿನಲ್ಲೂ ಒಂದಾದ ಸತಿಪತಿ

ಬೀಳಗಿ (ಬಾಗಲಕೋಟೆ ಜಿಲ್ಲೆ): ಇಲ್ಲಿನ ಕಿಲ್ಲಾ ಓಣಿ ನಿವಾಸಿಗಳಾಗಿದ್ದ ದಂಪತಿ ಸೋಮವಾರ ತಡರಾತ್ರಿ ಅರ್ಧ ಗಂಟೆ ಅಂತರದಲ್ಲಿ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

‘ಚಿನ್ನಾಭರಣ ತಯಾರಿಕೆ ವೃತ್ತಿಯಲ್ಲಿದ್ದ ಶಶಿಧರ ಪತ್ತಾರ (40) ರಾತ್ರಿ 1.45ಕ್ಕೆ ಮೃತಪಟ್ಟರು. ನೊಂದ ಪತ್ನಿ ಸರೋಜಾ ಪತ್ತಾರ (35) ರಾತ್ರಿ 2.15ಕ್ಕೆ ಹೃದಯಾಘಾತದಿಂದ ಮೃತರಾದರು. ದಂಪತಿಗೆ ಇಬ್ಬರು ಪುತ್ರರಿದ್ದಾರೆ. ಮಂಗಳವಾರ ಅಂತ್ಯಕ್ರಿಯೆ ನೆರವೇರಿತು’ ಎಂದು ಸ್ಥಳೀಯರು ತಿಳಿಸಿದರು.