ಮಹಾಲಿಂಗಪುರ | ದುರ್ಗಾದೇವಿ ಭಂಡಾರ ಜಾತ್ರೆ ಸಂಭ್ರಮ

ಮಹಾಲಿಂಗಪುರ: ಗ್ರಾಮದೇವತೆ ದುರ್ಗಾದೇವಿ ಹೆಸರಿನಲ್ಲಿ ವಾರ ಹಿಡಿಯುವ ಕೊನೆಯ ದಿನವಾದ ಶುಕ್ರವಾರ ಭಕ್ತರು ಭಂಡಾರವನ್ನು ತೂರುವ ಮೂಲಕ ವಿಜೃಂಭಣೆಯಿಂದ ದುರ್ಗಾದೇವಿ ಜಾತ್ರೆ ಆಚರಿಸಿದರು.

ಜಾತ್ರೆಯ ಮುನ್ನಾದಿನವಾದ ಗುರುವಾರ ರಾತ್ರಿ ಪರಸು ಕೋಲೂರ ಅವರಿಂದ ರಸಮಂಜರಿ ಕಾರ್ಯಕ್ರಮ, ಶುಕ್ರವಾರ ಬೆಳಗಿನ ಜಾವ ಭಕ್ತರಿಂದ ದೀಡ್ ನಮಸ್ಕಾರ, ಕುಂಕುಮಾರ್ಚನೆ ಕಾರ್ಯಕ್ರಮ ನೆರವೇರಿದವು.

ನಂತರ ಪರಸ್ಪರ ಭಂಡಾರ ಎರಚುತ್ತ ದೇವಿ ಮೆರವಣಿಗೆಯಲ್ಲಿ ಪಾಲ್ಗೊಂಡು ಸಂಭ್ರಮಿಸಿದರು. ದೇವಿಗೆ ಉಡಿ ತುಂಬಿ ಪೂಜೆ ನೆರವೇರಿಸಿದರು. ಅನ್ನಸಂತರ್ಪಣೆ ಜರುಗಿತು.