ನಾಯನೇಗಲಿ ಪಿಕೆಪಿಎಸ್: ಸಂಗಪ್ಪ ಬಳಿಗಾರ ಅಧ್ಯಕ್ಷ

ರಾಂಪುರ: ನೂತನವಾಗಿ ಅಸ್ತಿತ್ವಕ್ಕೆ ಬಂದಿರುವ ಸಮೀಪದ ನಾಯನೇಗಲಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘಕ್ಕೆ ಪ್ರಥಮ ಅಧ್ಯಕ್ಷರಾಗಿ ಸಂಗಪ್ಪ ಸಿದ್ದಪ್ಪ ಬಳಿಗಾರ, ಉಪಾಧ್ಯಕ್ಷರಾಗಿ ಸಂಗಪ್ಪ ಚಲವಾದಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಪ್ರಪ್ರಥಮ ಆಡಳಿತ ಮಂಡಳಿಯ ಸದಸ್ಯ ಸ್ಥಾನಗಳಿಗೂ ಅವಿರೋಧ ಆಯ್ಕೆ ನಡೆದು ಈಗ ಅಧ್ಯಕ್ಷ-ಉಪಾಧ್ಯಕ್ಷರನ್ನೂ ಅವಿರೋಧವಾಗಿ ಆಯ್ಕೆ ನಡೆದಿದೆ. ಸರ್ವ ಸದಸ್ಯರು ಒಗ್ಗೂಡಿ ಚುನಾವಣಾಧಿಕಾರಿಯಾಗಿ ಬಂದಿದ್ದ ಸಹಕಾರ ಇಲಾಖೆಯ ಎಸ್.ಕೆ. ಮೂಗನೂರ ಅವರ ಸಮ್ಮುಖದಲ್ಲಿಯೇ ಅಧ್ಯಕ್ಷ ಸ್ಥಾನಕ್ಕೆ ಸಂಗಪ್ಪ ಬಳಿಗಾರ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಸಂಗಪ್ಪ ಚಲವಾದಿ ಅವರನ್ನು ಒಮ್ಮತದಿಂದ ಆಯ್ಕೆ ಮಾಡಿದ್ದಾರೆ.

ಈ ಸಂದರ್ಭದಲ್ಲಿ ನಿರ್ದೇಶಕರಾದ ಹನಮಂತ ಚಿತ್ತರಗಿ, ಸಂಗಪ್ಪ ಕೋರಿ, ಮಲ್ಲಪ್ಪ ಹೆಬ್ಬಾಳ, ಡಾ. ಮಹಾಲಿಂಗಪ್ಪ ಅಂಗಡಿ, ಈರಬಸಪ್ಪಗೌಡ ಗೌಡರ, ಲಕ್ಷ್ಮೀಬಾಯಿ ಗೌಡರ, ಶಾಂಭವಿ ಬೆನಕನವಾರಿ, ಗುರುಲಿಂಗಯ್ಯ ಕಂಬಾಳಿಮಠ, ಬಸನಗೌಡ ಹೊಸಗೌಡರ, ಸಿದ್ದಪ್ಪ ಕಡೂರ ಹಾಗೂ ಕಾರ್ಯದರ್ಶಿ ಮನೋಹರ ಕೋಟಿ ಉಪಸ್ಥಿತರಿದ್ದರು.

ಸಂಘದ ಏಳಿಗೆಗೆ ಶ್ರಮಿಸುವೆ: ನನಗೆ ವಹಿಸಿರುವ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸಿ ಸಂಘದ ಹಾಗೂ ರೈತರ ಸರ್ವತೋಮುಖ ಏಳಿಗೆಗೆ ಶ್ರಮಿಸುತ್ತೇನೆ ಎಂದರು.