ಸಂಡೂರು: ಮಳೆಗೆ ಮನೆ ಕುಸಿತ

ಸಂಡೂರು: ಪಟ್ಟಣ ಸೇರಿದಂತೆ ತಾಲ್ಲೂಕಿನ ಬಂಡ್ರಿ, ಯಶವಂತನಗರ, ತೋರಣಗಲ್, ಕುರೆಕುಪ್ಪ, ಯಶವಂತನಗರ, ಸೋಮಲಾಪುರ ಗ್ರಾಮದಲ್ಲಿ ಬುಧವಾರ ರಾತ್ರಿ ಮಳೆ ಸುರಿಯಿತು.

ತಾಲ್ಲೂಕಿನ ತೋರಣಗಲ್‌ನಲ್ಲಿನ 2ನೇ ವಾರ್ಡಿನಲ್ಲಿ ಶಿವಕುಮಾರ್ ಕುಟುಂಬ ವಾಸವಾಗಿದ್ದ ಮಣ್ಣಿನ ಮೇಲ್ಚಾವಣಿಯ ಮನೆ ಕುಸಿದಿದೆ. ಯಾರಿಗೂ ತೊಂದರೆಯಾಗಿಲ್ಲ.

ಗುರುವಾರ ಬೆಳಿಗ್ಗೆಯೂ ಕೆಲ ಸಮಯ ಜಿಟಿಜಿಟಿ ಮಳೆ ಮುಂದುವರೆದಿತ್ತು. ಸಂಡೂರಿನಲ್ಲಿ 38 ಮಿ.ಮೀ, ಕುರೆಕುಪ್ಪದಲ್ಲಿ 17.2 ಮಿ.ಮೀ ಹಾಗೂ ಚೋರುನೂರಿನಲ್ಲಿ 4.2 ಮಿ.ಮೀ ಮಳೆಯಾಗಿದೆ.