ತೋರಣಗಲ್ಲು: ಇಲ್ಲಿನ ಜಿಂದಾಲ್ ಸಂಸ್ಥೆಯ ಒಪಿಜೆ ಕೇಂದ್ರದ ಆವರಣದಲ್ಲಿನ ನರ್ಸಿಂಗ್ ಕಾಲೇಜ್ನ 11 ವಿದ್ಯಾರ್ಥಿಗಳಿಗೆ ಕೋವಿಡ್-19 ದೃಢಪಟ್ಟ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳ ವಾಸ ಸ್ಥಳವಾದ ಜಿಂದಾಲ್ ನ ವಿವಿನಗರದ ಕೆ-2 ಬ್ಲಾಕ್ನ್ನು ತಹಶೀಲ್ದಾರ್ ಎಚ್.ಜೆ.ರಶ್ಮಿ ಯವರು ತೋರಣಗಲ್ಲು ನಾಡಕಾರ್ಯಾಲಯದ ಹಾಗೂ ಕುರೆಕುಪ್ಪ ಪುರಸಭೆಯ ಅಧಿಕಾರಿಗಳ ನೇತೃತ್ವದಲ್ಲಿ ಸೋಮವಾರ ರಾತ್ರಿ ಸೀಲ್ಡೌನ್ ಮಾಡಿದರು.
ನರ್ಸಿಂಗ್ ಕಾಲೇಜ್ನ ಸೋಮವಾರ ಹತ್ತು ವಿದ್ಯಾರ್ಥಿಗಳಿಗೆ ಹಾಗೂ ಮಂಗಳವಾರ ಒಬ್ಬ ವಿದ್ಯಾರ್ಥಿಗೆ ಕೋವಿಡ್-19 ದೃಢಪಟ್ಟಿದೆ ಹಾಗೂ ವಿದ್ಯಾರ್ಥಿಗಳ ಪ್ರಾಥಮಿಕ ಸಂಪರ್ಕದ 86 ವಿದ್ಯಾರ್ಥಿಗಳಿಗೆ ಕೋವಿಡ್-19 ತಪಾಸಣೆಗೆ ಒಳಪಡಿಸಲಾಗಿದೆ ಹಾಗೂ ಒಟ್ಟು 11 ವಿದ್ಯಾರ್ಥಿಗಳನ್ನು ವಿವಿನಗರದ ಕೆ.2 ಬ್ಲಾಕ್ ನ ವಸತಿ ಗೃಹ ಪ್ರತ್ಯೇಕತೆಯಲ್ಲಿಡಲಾಗಿದೆ.
‘ಜಿಂದಾಲ್ ಸಂಸ್ಥೆಯ ಒಪಿಜೆ ಕೇಂದ್ರದ ಆವರಣದಲ್ಲಿನ ನರ್ಸಿಂಗ್ ಕಾಲೇಜ್ನ ವಿದ್ಯಾರ್ಥಿಗಳಿಗೆ ಸೋಮವಾರ ಹತ್ತು ವಿದ್ಯಾರ್ಥಿಗಳಿಗೆ ಹಾಗೂ ಮಂಗಳವಾರ ಒಬ್ಬ ವಿದ್ಯಾರ್ಥಿಗೆ ಕೋವಿಡ್-19 ದೃಢಪಟ್ಟ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳ ವಾಸ ಸ್ಥಳವಾದ ಜಿಂದಾಲ್ ನ ವಿವಿನಗರದ ಕೆ ಬ್ಲಾಕ್ನ್ನು ಸೋಮವಾರ ಸೀಲ್ಡೌನ್ ಮಾಡಲಾಗಿದೆ’ ಎಂದು ತಹಶೀಲ್ದಾರ್ ಎಚ್.ರಶ್ಮಿ ತಿಳಿಸಿದರು.
ತೋರಣಗಲ್ಲು ಹೋಬಳಿಯ ಕಂದಾಯ ಪರಿವೀಕ್ಷಕ ಕೆ.ಮಂಜುನಾಥ, ಕುರೆಕುಪ್ಪ ಪುರಸಭೆಯ ಸಿಬ್ಬಂದಿ ಪಂಪಾಪತಿ ಇದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.