ನಾಲೆಯಲ್ಲಿ ಕೊಚ್ಚಿ ಹೋದ ವ್ಯಕ್ತಿ

ಬಳ್ಳಾರಿ: ಕುಡಿತದ ಅಮಲಿನಲ್ಲಿ ತುಂಗಭದ್ರಾ ನಾಲೆಯಲ್ಲಿ ಈಜಲು ಹೋದ ವ್ಯಕ್ತಿಯೊಬ್ಬ ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿದ್ದಾನೆ. 

ಗೌತಮ ನಗರದ ಶಿವಪ್ರಸಾದ್‌ (32) ಕಾಣೆಯಾದ ವ್ಯಕ್ತಿ. ಬಂಡಿಹಟ್ಟಿಯ ಕಾಟೇರಮ್ಮ ದೇಗುಲದ ಎದುರಿನ ಎಚ್‌ಎಲ್‌ಸಿ ಕಾಲುವೆಯಲ್ಲಿ ಘಟನೆ ನಡೆದಿದೆ. 

ಜುಲೈ 30ರಂದು ಸ್ನೇಹಿತರೊಂದಿಗೆ ಸೇರಿ ಮದ್ಯ ಸೇವಿಸಿದ್ದ ಶಿವಪ್ರಸಾದ್‌, ಅಮಲಿನಲ್ಲಿ ನಾಲೆಯಲ್ಲಿ ಈಜಲು ಹೋಗಿದ್ದ. ಈ ವೇಳೆ ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿರುವುದಾಗಿ ಆತನ ತಾಯಿ ಯಂಕಮ್ಮ ಅವರು ಕೌಲ್‌ ಬಜಾರ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.