ಬಳ್ಳಾರಿ: ಜನೌಷಧ ಕೇಂದ್ರ ಮುಚ್ಚದಿರಲು ಆಗ್ರಹ

ಬಳ್ಳಾರಿ: ಜನೌಷಧ ಕೇಂದ್ರಗಳನ್ನು ಮುಚ್ಚದಂತೆ ಒತ್ತಾಯಿಸಿ ನಗರದ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿ ಕನ್ನಡನಾಡು ರೈತ ಸಂಘದಿಂದ ಸೋಮವಾರ ಪ್ರತಿಭಟನೆ ನಡೆಯಿತು.

ಸಂಘದ ಅಧ್ಯಕ್ಷ ಈಶ್ವರಪ್ಪ ಮೆಣಸಿನ ಮಾತನಾಡಿ, ‘ರಾಜ್ಯದ 182 ಜನೌಷಧ ಕೇಂದ್ರಗಳನ್ನು ಮುಚ್ಚುವುದು ಜನ ವಿರೋಧಿ ನೀತಿ. ಬಡ ರೈತರು, ಕೂಲಿ ಕಾರ್ಮಿಕರು ಮಧ್ಯಮ ವರ್ಗದ ರೋಗಿಗಳಿಗೆ ಬಹಳ ಕಡಿಮೆ ಧರಗಳಲ್ಲಿ ಔಷಧ ದೊರೆಯುತ್ತದೆ. ಯಾವುದೇ ಕಾರಣಕ್ಕೆ ಜನೌಷಧ ಕೇಂದ್ರಗಳನ್ನು ತೆಗೆಯಬಾರದು’ ಎಂದು ಒತ್ತಾಯಿಸಿದರು.

ಸಂಘದ ಪದಾಕಾರಿಗಳಾದ ಬಿ.ಕೆ.ಶಿವಪ್ಪ, ಗಂಗಾಧರ್, ರಾಜಶೇಖರ್, ಮಂಜುನಾಥ್, ಶಿವರಾಜು, ಎರ‍್ರಿಸ್ವಾಮಿ ಇದ್ದರು.