ತೆಕ್ಕಲಕೋಟೆ | ಉತ್ತಮ ಮಳೆ: ತುಂಬಿದ ಹಳ್ಳ ಕೊಳ್ಳ

ತೆಕ್ಕಲಕೋಟೆ: ಪಟ್ಟಣ ಸೇರಿದಂತೆ ಹೋಬಳಿ ವ್ಯಾಪ್ತಿಯಲ್ಲಿ ಕಳೆದ ಕೆಲ ದಿನಗಳಿಂದ ಆಗಾಗ್ಗೆ ಬರುತ್ತಿರುವ ಮಳೆಯಿಂದಾಗಿ ಕೃಷಿ ಚಟುವಟಿಕೆಗಳು ವೇಗ ಪಡೆದಿವೆ.

ಸಿರಿಗೇರಿ, ಎಂ.ಸುಗೂರು, ದರೂರು ಸೇರಿದಂತೆ ಹಲವು ಗ್ರಾಮಗಳಲ್ಲಿ ಉತ್ತಮ ಮಳೆಯಾಗಿದ್ದು ತಗ್ಗು ಪ್ರದೇಶಗಳಲ್ಲಿ ನೀರು ನಿಂತಿದ್ದು ಕಂಡು ಬಂತು. ಶುಕ್ರವಾರ ಸಂಜೆ 3ರಿಂದ 4 ರ ವರೆಗೆ ಬಿಟ್ಟು ಬಿಟ್ಟು ರಭಸವಾಗಿ ಮಳೆ ಸುರಿದಿದೆ. ಇದರಿಂದಾಗಿ ರೈತಾಪಿ ವರ್ಗ ಬಿತ್ತನೆ ಮಾಡಿದ್ದ ತೊಗರಿ, ಹತ್ತಿ, ಜೋಳ, ಮೆಕ್ಕೆ ಜೋಳ ಮುಂತಾದ ಬೆಳೆಗಳು ನಳನಳಿಸುತ್ತಿದ್ದು, ರೈತರು, ಕೃಷಿ ಕಾರ್ಮಿಕರು ಕಳೆ ತೆಗೆಯುವ ದೃಶ್ಯ ಕಂಡುಬಂತು.

ಮಳೆಯ ವಿವರ:

ಸಿರುಗುಪ್ಪ 0.28 ಸೆಂ.ಮೀ, ತೆಕ್ಕಲಕೋಟೆ 0.22ಸೆಂ.ಮೀ, ಎಂ. ಸೂಗುರು 0.18 ಸೆಂ.ಮೀ, ಹಚ್ಚೋಳ್ಳಿ 0.42 ಸೆಂ.ಮೀ, ಕೆ.ಬೆಳಗಲ್ಲು 0.I4 ಸೆಂ.ಮೀ ಸೇರಿದಂತೆ ಒಟ್ಟಾರೆ ತಾಲ್ಲೂಕಿನಾದ್ಯಂತ ಸರಾಸರಿ 0.185 ಸೆಂ.ಮೀಟರ್ ಮಳೆ ದಾಖಲಾಗಿದೆ.