‘ಅಗತ್ಯ ದಾಖಲೆ ಸಲ್ಲಿಸಿದರೆ ಮನೆ ಬಾಗಿಲಿಗೆ ಫಾರಂ-3’

ಹೂವಿನಹಡಗಲಿ: ಪಟ್ಟಣದ ನಾಗರಿಕರು ಅಗತ್ಯ ದಾಖಲೆಗಳನ್ನು ಸಲ್ಲಿಸಿದರೆ ವಾರದೊಳಗೆ ಮನೆ ಬಾಗಿಲಿಗೆ ತೆರಳಿ ಫಾರಂ-3 (ಖಾತಾ ನಕಲು) ನೀಡಲಾಗುವುದು ಎಂದು ಪುರಸಭೆ ಮುಖ್ಯಾಧಿಕಾರಿ ಪಚ್ಚಿ ಮಲ್ಲೇಶ್ ತಿಳಿಸಿದರು.

ಸ್ವತ್ತಿನ ಕ್ರಯಪತ್ರ, ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ, ನಡವಳಿ ಪತ್ರ, ತೆರಿಗೆ ಪಾವತಿಸಿರುವ ದಾಖಲೆ ಸಲ್ಲಿಸಿದರೆ ವಾರದೊಳಗೆ ಫಾರಂ-3 ಆಸ್ತಿಯ ದಾಖಲೆಯನ್ನು ಮನೆಗೆ ತಲುಪಿಸುತ್ತೇವೆ. ಪಟ್ಟಣದ ನಾಗರಿಕರು ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಪ್ರಕಟಣೆಯಲ್ಲಿ ಕೋರಿದ್ದಾರೆ.