ಬಳ್ಳಾರಿ | ಕೆಎಸ್‌ಟಿಡಿಸಿ ಎಂ.ಡಿ ಆಗಿ ಮಿಶ್ರಾ ನೇಮಕ

ಬಳ್ಳಾರಿ: ಬಳ್ಳಾರಿಯ ನಿರ್ಗಮಿತ ಜಿಲ್ಲಾಧಿಕಾರಿ ಪ್ರಶಾಂತ್‌ ಕುಮಾರ್‌ ಮಿಶ್ರಾ ಅವರನ್ನು ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ (ಕೆಎಸ್‌ಟಿಡಿಸಿ)ದ ವ್ಯವಸ್ಥಾಪಕ ನಿರ್ದೇಶಕರನ್ನಾಗಿ ನೇಮಿಸಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆ ಬುಧವಾರ ರಾತ್ರಿ ಅಧಿಸೂಚನೆ ಹೊರಡಿಸಿದೆ.

ಈ ಹಿಂದೆ ರಾಜೇಂದ್ರ ಕೆ.ವಿ ಅವರು ಕೆಎಸ್‌ಟಿಡಿಸಿ ಎಂ.ಡಿ. ಆಗಿದ್ದರು. ವೈಯಕ್ತಿಕ ಕಾರ್ಯಕ್ರಮ ಹಿನ್ನೆಲೆ ಬಿಹಾರದ ತಮ್ಮ ಹುಟ್ಟೂರಿಗೆ ತೆರಳಿರುವ ಮಿಶ್ರಾ, ಅಲ್ಲಿಂದ ಬಂದ ಬಳಿಕ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ ಎಂದು ಗೊತ್ತಾಗಿದೆ.