ಬಳ್ಳಾರಿ: ಗುಡ್ಡ ಕುಸಿತ ಇಬ್ಬರ ಸಾವು

ಬಳ್ಳಾರಿ: ತಾಲ್ಲೂಕಿನ ಹರಗಿನಡೋಣಿ ಬಳಿ ರಸ್ತೆ ನಿರ್ಮಾಣ ಕಾರ್ಯದಲ್ಲಿ ತೊಡಗಿದ್ದ ಜೆಸಿಬಿ ಚಾಲಕ ಮತ್ತು ಕ್ಲೀನರ್ ಮಣ್ಣಿನಗುಡ್ಡ ಕುಸಿದು ಮೃತಪಟ್ಟ ಘಟನೆ ಬುಧವಾರ ಜರುಗಿದೆ. ಬಿಹಾರ್ ರಾಜ್ಯದವರಾದ ನಾಗೇಂದ್ರ ಯಾದವ್ (44) ಮತ್ತು ಮುಖೇಶ್ ಯಾದವ್ (22) ಮೃತರು.

ಗುಡ್ಡಕೊರೆಯುವ ಸಂದರ್ಭದಲ್ಲಿ ಅಧಿಕಾರಿಗಳು ಮುಂಜಾಗ್ರತೆ ವಹಿಸದ ಪರಿಣಾಮ ಈ ಘಟನೆ ಜರುಗಿದೆ ಎಂದು ಮೃತರ ಕುಟುಂಬದವರು ಆರೋಪಿಸಿದ್ದಾರೆ. ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.