ಕೂಡ್ಲಿಗಿ |ಮಳೆ: 8 ಮನೆಗಳಿಗೆ ಹಾನಿ

ಕೂಡ್ಲಿಗಿ: ತಾಲ್ಲೂಕಿನಾದ್ಯಂತ ಬುಧವಾರ ರಾತ್ರಿ ಉತ್ತಮ ಮಳೆಯಾಗಿದೆ.

ಕಳೆದ ಎರಡು ಮೂರು ದಿನಗಳಿಂದ ಅಲ್ಲಲ್ಲಿ ಸಾಧಾರಣವಾಗಿ ಬಿದ್ದಿತ್ತು. ಆದರೆ ಬುಧವಾರ ರಾತ್ರಿ ಗುಡುಗು ಸಹಿತವಾಗಿ ಅನೇಕ ಕಡೆ ಬಾರಿ ಮಳೆಯಾಗಿದೆ.

ಮಳೆಯಿಂದ ತಾಲ್ಲೂಕಿನ ಹೊಸಹಳ್ಳಿ ಹೋಬಳಿಯಲ್ಲಿ 4, ಗುಡೇಕೋಟೆ ಹೋಬಳಿಯಲ್ಲಿ 4 ಸೇರಿದಂತೆ ಒಟ್ಟು 8ಕ್ಕೂ ಹೆಚ್ಚು ಮನೆಗಳಿಗೆ ಭಾಗಶಃ ಹಾನಿಯಾಗಿದೆ ಎಂದು ತಹಶೀಲ್ದಾರ್ ಎಂ. ರೇಣುಕಾ ತಿಳಿಸಿದ್ದಾರೆ.

ಕೂಡ್ಲಿಗಿ-21.3 ಮಿಮೀ, ಗುಡೇಕೋಟೆ-33.2 ಮಿಮೀ, ಮಳೆಯಾಗಿದೆ. ಇದರಿಂದ ಅಲ್ಲಲ್ಲಿ ಹಳ್ಳಗಳು ತುಂಬಿ ಹರಿದಿದ್ದು, ಸಣ್ಣ ಕಟ್ಟೆಗಳಿಗೆ ನೀರು ಹರಿದು ಬಂದಿದೆ.