ಹೊಸಪೇಟೆ: ರಷ್ಯಾ ಕ್ರಾಂತಿ ವಾರ್ಷಿಕೋತ್ಸವ

ಹೊಸಪೇಟೆ(ವಿಜಯನಗರ): ನಗರದ ಎಸ್‍ಯುಸಿಐ (ಕಮ್ಯುನಿಸ್ಟ್‌) ಪಕ್ಷದ ಕಚೇರಿಯಲ್ಲಿ ಭಾನುವಾರ ರಷ್ಯಾ ಕ್ರಾಂತಿಯ 108ನೇ ವಾರ್ಷಿಕೋತ್ಸವ ಆಚರಿಸಲಾಯಿತು.

ಜಿಲ್ಲಾ ಸಂಘಟನಾ ಸಮಿತಿ ಸಂಚಾಲಕಿ ಎಂ.ಎಚ್. ಮಂಜುಳಾ ಮಾತನಾಡಿ, ‘ಚರಿತ್ರೆಯಲ್ಲಿ ಬಹಳಷ್ಟು ಕ್ರಾಂತಿಗಳಾಗಿವೆ. ಆದರೆ, ಮಾನವನಿಂದ ಮಾನವನ ಮೇಲಾಗುವ ಎಲ್ಲಾ ಶೋಷಣೆಗಳನ್ನು ನಿರ್ಮೂಲನೆಗೊಳಿಸಿ, ಶೋಷಣಾ ಮುಕ್ತ ವ್ಯವಸ್ಥೆ ಸ್ಥಾಪನೆಯಾಗಿದ್ದು 108 ವರ್ಷಗಳ ಹಿಂದೆ ಜರುಗಿದ ರಷ್ಯಾದ ಸಮಾಜವಾದಿ ಕ್ರಾಂತಿಯಿಂದ’ ಎಂದರು.

‘ಸಮಾಜ ಮುನ್ನೆಲೆಗೆ ಬರಬೇಕಾದರೆ ಸಿದ್ಧಾತ, ನಾಯಕತ್ವ ಮತ್ತು ಪಕ್ಷ ಅಸ್ತಿತ್ವದಲ್ಲಿ ಇರಬೇಕು. ಪ್ರತಿಯೊಂದು ಬದಲಾವಣೆಯ ಪೂರ್ವದಲ್ಲಿ ಸಾಹಿತ್ಯ, ಸಾಂಸ್ಕೃತಿಕ, ಜೀವನ ಪದ್ಧತಿಯಲ್ಲಿ ಹೊಸ ಆದರ್ಶಗಳು ಬರಬೇಕು’ ಎಂದು ಹೇಳಿದರು.

ಪಾಲಾಕ್ಷ ಹಡಗಲಿ, ಪ್ರಶಾಂತ್, ಪ್ರಕಾಶ್ ನಾಯಕ್, ಗೆದ್ದಲಗಟ್ಟೆ ಶ್ರೀನಿವಾಸ್, ಹರ್ಷ ಬಸವನದುರ್ಗ, ಹಿರೇಹಡಗಲಿ ಮುಸ್ತಫಾ, ಸಿರುಗುಪ್ಪ ಅಖಿಲಾ ಇದ್ದರು.