ಬೆಂಗಳೂರು–ಬಳ್ಳಾರಿ ನಡುವೆ ಸ್ಟಾರ್‌ ಏರ್‌ ವೈಮಾನಿಕ ಸೇವೆ

ಬಳ್ಳಾರಿ: ‘ಸ್ಟಾರ್‌ ಏರ್‌’ ವಿಮಾನಯಾನ ಕಂಪನಿಯು ನವೆಂಬರ್ 1ರಿಂದ ಬೆಂಗಳೂರು–ಬಳ್ಳಾರಿ (ತೋರಣಗಲ್‌ನ ವಿದ್ಯಾನಗರದಲ್ಲಿರುವ ಜಿಂದಾಲ್‌ ವಿಮಾನ ನಿಲ್ದಾಣ) ನಡುವೆ ನಿತ್ಯ ವಿಮಾನ ಸೇವೆ ಆರಂಭಿಸಲಿದೆ.

‘ಬೆಂಗಳೂರಿನಿಂದ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾದ ಹಂಪಿಗೆ ಸುಲಭವಾಗಿ ಭೇಟಿ ನೀಡಬಹುದು. ಬೆಂಗಳೂರಿನಿಂದ ವಿದ್ಯಾನಗರಕ್ಕೆ ನಿತ್ಯ ಬೆಳಿಗ್ಗೆ 7.50ಕ್ಕೆ ವಿಮಾನ ಸೇವೆ ಲಭ್ಯವಾಗಲಿದೆ. ವಿದ್ಯಾನಗರದಿಂದ ಬೆಂಗಳೂರಿಗೆ ನಿತ್ಯ ಬೆಳಿಗ್ಗೆ 9.10ಕ್ಕೆ ವಿಮಾನ ಇರಲಿದೆ’ ಎಂದು ಕಂಪನಿ ತಿಳಿಸಿದೆ.