ಹೊಸಕೋಟೆ: ಮಾದಕ ವಸ್ತುಗಳಷ್ಟೆ ಮೊಬೈಲ್ ಕೂಡ ಮಾರಕ

ಹೊಸಕೋಟೆ: ತಾಲ್ಲೂಕಿನ ಅನುಗೊಂಡನಹಳ್ಳಿ ಕುವೆಂಪು ಪ್ರೌಢಶಾಲೆಯಲ್ಲಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಟ್ರಸ್ಟ್‌ನಿಂದ ‘ಸ್ವಾಸ್ಥ್ಯ ಸಂಕಲ್ಪ’ ಕಾರ್ಯಕ್ರಮದಡಿಯಲ್ಲಿ ಮಾದಕ ವಸ್ತುಗಳ ಬಳಕೆ ದುಷ್ಪರಿಣಾಮ ಅರಿವು ಕಾರ್ಯಕ್ರಮ ನಡೆಯಿತು.

ಕಸಾಪ ನಿಕಟಪೂರ್ವ ಜಿಲ್ಲಾ ಕಾರ್ಯದರ್ಶಿ ಎಂ.ಎನ್.ಆರ್. ನಟರಾಜ್, ಮಾದಕ ವಸ್ತುಗಳ ವ್ಯಸನವು ಹೇಗೆ ಬಳಕೆದಾರರ ಬದುಕು ಹಾಳು ಮಾಡುತ್ತದೆಯೋ, ಹಾಗೇ ಸರಿಯಾದ ರೀತಿಯಲ್ಲಿ ಮೊಬೈಲ್‌ ಬಳಕೆ ಮಾಡದಿದ್ದರೆ ಮಾದಕ ವಸ್ತುಗಳಷ್ಟೆ ಮೊಬೈಲ್ ಕೂಡ ಮಾರಕ ಆಗಲಿದೆ ಎಂದು ಹೇಳಿದರು.

ಗ್ರಾ.ಪಂ ಮಾಜಿ ಅಧ್ಯಕ್ಷ ಲಕ್ಷ್ಮಣ್, ಮಾಜಿ ಸದಸ್ಯ ಡಿ.ಕೆ.ಮಂಜುನಾಥ್, ಕುವೆಂಪು ಶಾಲೆಯ ಮುಖ್ಯ ಶಿಕ್ಷಕ ದೇವರಾಜ್, ಒಕ್ಕೂಟ ಉಪಾಧ್ಯಕ್ಷೆ ದೀನಮ್, ಸೇವಾ ಪ್ರತಿನಿಧಿ ತಸ್ಲೀಮಾ ಇದ್ದರು.