ಔಷಧಿ ತಯಾರಿಕೆ ಕಾರ್ಖಾನೆ ಬೆಂಕಿಗೆ ಆಹುತಿ

ಆನೇಕಲ್:ಜಿಗಣಿ ಕೈಗಾರಿಕಾ ಪ್ರದೇಶದ ಔಷಧ ತಯಾರಿಕಾ ಕಾರ್ಖಾನೆಯಲ್ಲಿ ಶನಿವಾರ ಮಧ್ಯಾಹ್ನ ಬೆಂಕಿ ಕಾಣಿಸಿಕೊಂಡಿದ್ದು ಲಕ್ಷಾಂತರ ರೂಪಾಯಿ ನಷ್ಟ ಸಂಭವಿಸಿದೆ.

ಸ್ಟೆಲೆನ್ಸ್ ಫಾರ್ಮಾ ಸೈನ್ಸ್ ಔಷಧಿ ತಯಾರಿಕೆ ಕಾರ್ಖಾನೆಯಲ್ಲಿಮಧ್ಯಾಹ್ನ ಇದ್ದಕ್ಕಿದ್ದಂತೆ ಕಾಣಿಸಿಕೊಂಡ ಬೆಂಕಿ ಕೆಲವೇ ಕ್ಷಣಗಳಲ್ಲಿ ಕಾರ್ಖಾನೆಯ ಎಲ್ಲ ಭಾಗಗಳನ್ನೂ ಆವರಿಸಿತು.

ಕಾರ್ಖಾನೆಯಲ್ಲಿ ಸಿಬ್ಬಂದಿ ಹೊರಗೆ ಓಡಿ ಬಂದು ಪ್ರಾಣ ಉಳಿಸಿಕೊಂಡಿದ್ದಾರೆ. ಕಾರ್ಖಾನೆ ಮೂರು ಅಂತಸ್ತಿನ ಕಟ್ಟಡ ಬೆಂಕಿಗೆ ಆಹುತಿಯಾಗಿದೆ. ಔಷಧಿ ಪಟ್ಟಿಗೆ, ಕಚ್ಚಾ ಸಾಮಗ್ರಿ, ಪೀಠೋಪಕರಣ ನಾಶವಾಗಿವೆ. ನಷ್ಟದ ಅಂದಾಜು ನಡೆಯುತ್ತಿದೆ. ಅಗ್ನಿ ಶಾಮಕದಳದ ಸಿಬ್ಬಂದಿ ಬೆಂಕಿ ನಂದಿಸಿದರು.