ಎ.ಪಿ.ಜೆ.ಅಬ್ದುಲ್ ಕಲಾಂ ಕಪ್-ಕ್ರಿಕೆಟ್ ಪಂದ್ಯಾವಳಿ

ವಿಜಯಪುರ(ದೇವನಹಳ್ಳಿ): ಸರ್ಕಾರಿ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ಭಾನುವಾರ ಎ.ಪಿ.ಜೆ.ಅಬ್ದುಲ್ ಕಲಾಂ ಕಪ್-2024 ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿ ನಡೆಯಿತು.

ಪೈನಲ್‌ ಪಂದ್ಯದಲ್ಲಿ ಯಂಗ್‌ ಸ್ಟಾರ್ಸ್‌ ತಂಡವನ್ನು ಮಣಿಸಿದ ಎರ್ಥುಲ್‌ ಸೂಪರ್‌ ಸ್ಟಾರ್ಸ್‌ ತಂಡವು ಚಾಂಪಿಯನ್‌ ಆಯಿತು. ವಿಜೇತ ತಂಡಕ್ಕೆ ₹50 ಸಾವಿರ ನಗದು ಆಕರ್ಷಕ ಟ್ರೋಫಿ, ಪರಾಜಿತ ತಂಡಕ್ಕೆ ₹30 ಸಾವಿರ ನಗದು ಮತ್ತು ಟ್ರೋಪಿ ವಿತರಿಸಲಾಯಿತು. ಒಟ್ಟು ಎಂಟು ತಂಡಗಳು ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದವು.

ಜಿಲ್ಲಾ ಕಾಂಗ್ರೆಸ್ ಅಲ್ಪ ಸಂಖ್ಯಾತರ ಘಟಕದ ಉಪಾಧ್ಯಕ್ಷ ವಲ್ಲಿಜಾನ್ ಅವರು ಟ್ರೋಫಿ ವಿತರಿಸಿದರು.

ಮುಖಂಡರಾದ ಸೈಪುಲ್ಲಾ, ಅನ್ಸರ್, ಅನಿಸ್, ಮಕ್ಬೂಲ್ ಸಾಬ್, ಅಮಾನ್, ಸುಹೇಲ್, ಶಾ, ಮನ್ಸೂರ್, ಅಂಜು, ಅಪ್ಸರ್, ಖಾಲಿದ್, ಜೀಯಾ, ತೋಹಿದ್, ಜೀಶಾನ್ ಇದ್ದರು.