ಅಥಣಿ: ವಿಜ್ಞಾನ ವಸ್ತು ಪ್ರದರ್ಶನ 28ರಿಂದ

ಅಥಣಿ: ‘ಮಕ್ಕಳಲ್ಲಿ ವೈಜ್ಞಾನಿಕ ಹಾಗೂ ವೈಚಾರಿಕ ಮನೋಭಾವ ಬೆಳೆಸುವ ದೃಷ್ಟಿಯಿಂದ ಇಲ್ಲಿನ ಜೆ.ಎ. ಪದವಿಪೂರ್ವ ಮಹಾವಿದ್ಯಾಲಯದಲ್ಲಿ ಡಿ.28, 29ರಂದು ವಿಜ್ಞಾನ ವಸ್ತು ಪ್ರದರ್ಶನ, ಕಲಾ ಉತ್ಸವ ಮತ್ತು ಆಹಾರ ಮೇಳ ಆಯೋಜಿಸಲಾಗಿದೆ’ ಎಂದು ಸಂಸ್ಥೆಯ ಕಾರ್ಯಾಧ್ಯಕ್ಷ ರಾಮ ಕುಲಕರ್ಣಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ವಿಜ್ಞಾನ ವಸ್ತು ಪ್ರದರ್ಶನದಲ್ಲಿ ವಿಜೇತರಾದವರಿಗೆ ನಗದು ಬಹುಮಾನ ನೀಡಿ ಗೌರವಿಸಲಾಗುವುದು. ತಾಲ್ಲೂಕಿನ ಎಲ್ಲ ಪ್ರೌಢಶಾಲೆಗಳ ಮಕ್ಕಳು ಸದುಪಯೋಗ ಪಡೆದುಕೊಳ್ಳಬೇಕು’ ಎಂದು ಕೋರಿದರು.

‘28ರಂದು ಬೆಳಿಗ್ಗೆ 9ಕ್ಕೆ ರವೀಂದ್ರನಾಥ ಗುಮಾಸ್ತೆ ಉದ್ಘಾಟಿಸುವರು. ಮುಖ್ಯ ಅತಿಥಿಗಳಾಗಿ ಪಿ.ಐ.ಭಂಡಾರೆ, ಸಿ.ಎಂ.ಡೊಂಗರೆ, ಎಸ್.ಎಸ್.ಸಂಗೋರಾಮ, ಅರವಿಂದರಾವ್  ದೇಶಪಾಂಡೆ, ಎಸ್.ವಿ.ಜೋಶಿ, ರಾಜು ಶಿಂಗೆ ಆಗಮಿಸುವರು’ ಎಂದು ತಿಳಿಸಿದರು.

ಪಿಯು ಕಾಲೇಜು ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಎಸ್.ಎಸ್‌.ಸಂಗೋರಾಮ, ವಿಶ್ವನಾಥ ಕುಲಕರ್ಣಿ , ಎಂ.ವಿ.ಜೋಶಿ , ಮಹಾಲಿಂಗ ಮೇತ್ರಿ, ಅನಿಲ ದೇಶಪಾಂಡೆ ಇದ್ದರು.