VIDEO | ಗಾಂಧಿ ಭಾರತ ಸಮಾವೇಶ: ಬೆಳಗಾವಿಯಲ್ಲಿ ಬೆಳಕಿನ ಮೆರವಣಿಗೆ!

ಬೆಳಗಾವಿಯಲ್ಲೀಗ ಕಾಂಗ್ರೆಸ್‌ ಅಧಿವೇಶನದ ಶತಮಾನೋತ್ಸವದ್ದೇ ವೈಭವ. ಈ ಐತಿಹಾಸಿಕ ಉತ್ಸವಕ್ಕಾಗಿ ಕುಂದಾನಗರಿ ಗಾಂಧಿಮಯವಾಗಿದೆ. ₹8 ಕೋಟಿ ವೆಚ್ಚದಲ್ಲಿ ವಿದ್ಯುದ್ದೀಪಾಲಂಕಾರ ಮಾಡಿದ್ದು, ಇಡೀ ನಗರಕ್ಕೆ ಹೊಸ ರಂಗು ತುಂಬಿದೆ. ದೀಪಾಲಂಕಾರ ನೋಡಲು ಜನ ತಂಡೋಪ ತಂಡವಾಗಿ ಬರುತ್ತಿದ್ದಾರೆ. ಬೆಳಗಾವಿಯಲ್ಲಿ ಮೈಸೂರು ದಸರೆಯ ಸಡಗರವೇ ಸೃಷ್ಟಿಯಾದಂತೆ ಭಾಸವಾಗುತ್ತಿದೆ. ಚಿಣ್ಣರಂತೂ ಜಗಮಗಿಸುವ ದೀಪಗಳ ಮುಂದೆ ನಿಂತು ಕುಣಿದು ಕುಪ್ಪಳಿಸುತ್ತಿದ್ದಾರೆ.