ಬೆಳಗಾವಿ | ಬೈಕ್‌ ಕಳ್ಳತನ: ಆರೋಪಿ ಬಂಧನ

ಬೆಳಗಾವಿ: ನಗರದ ವಿವಿಧೆಡೆ ಬೈಕ್‌ ಕಳ್ಳತನ ಮಾಡಿದ್ದ ಆರೋಪಿಯನ್ನು ಖಡೇಬಜಾರ್‌ ಠಾಣೆ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.

ಇಲ್ಲಿನ ಹಳೇ ಗಾಂಧಿ ನಗರದ ನಿವಾಸಿ, ಮೂಲತಃ ತಾಲ್ಲೂಕಿನ ಬಡಾಲ ಅಂಕಲಗಿಯ ರಮೇಶ ಚಂದ್ರಕಾಂತ ಅರಳಿಕಟ್ಟಿ(33) ಬಂಧಿತ ಆರೋಪಿ.

ಬಂಧಿತನಿಂದ ₹1.45 ಲಕ್ಷ ಮೌಲ್ಯದ ಎರಡು ಬೈಕ್‌ ವಶಕ್ಕೆ ಪಡೆಯಲಾಗಿದೆ. ಖಡೇಬಜಾರ್‌ ಮತ್ತು ಶಹಾಪುರ ಠಾಣೆ ವ್ಯಾಪ್ತಿಯ ಎರಡು ಬೈಕ್‌ ಕಳ್ಳತನ ಪ್ರಕರಣ ಭೇದಿಸಿದಂತಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.