ಬೆಳಗಾವಿ | ಹೆಣ್ಣುಮಗು ಬಿಟ್ಟು ಹೋದ ಪಾಲಕರು: ದೂರು ದಾಖಲು

ಬೆಳಗಾವಿ: ತಾಲ್ಲೂಕಿನ ಮೋದಗಾ ಗ್ರಾಮದ ಆಸ್ಪತ್ರೆಯಲ್ಲಿ ಮೂರು ವರ್ಷದ ಹೆಣ್ಣುಮಗುವನ್ನು ಉದ್ದೇಶ ಪೂರ್ವಕವಾಗಿ ಬಿಟ್ಟುಹೋದ ಆರೋಪದಡಿ, ಮಾರಿಹಾಳ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಕಾರ್ಡಿಯಲ್‌ ಗ್ರೇಷಿಯಸ್‌ ಆಸ್ಪತ್ರೆಯಲ್ಲಿ ಮೇ 15ರಂದು ಮೂರು ವರ್ಷದ ಹೆಣ್ಣುಮಗುವನ್ನು ಹೆತ್ತವರೇ ಬಿಟ್ಟುಹೋಗಿದ್ದಾರೆ. ಮಗುವಿಗೆ ಸರಿಯಗಿ ತಿಳಿಯದ ಕಾರಣ ಮಕ್ಕಳ ರಕ್ಷಣಾ ಘಟಕದವರು ದತ್ತು ಸ್ವೀಕಾರ ಕೇಂದ್ರಕ್ಕೆ ಸೇರಿಸಿದ್ದರು. ಇದೂವರೆಗೆ ಮಗುವಿನ ಪಾಲಕರು ಪತ್ತೆಯಾಗಿಲ್ಲ. ಹೀಗಾಗಿ, ಮಗುವನ್ನು ಬಿಟ್ಟುಹೋದ ಅಪರಾಧ ಪ್ರಕರಣ ದಾಖಲಿಸಲಾಗಿದೆ.