ADVERTISEMENT

ಚೆಸ್: ನಿರಂಜನಗೆ 3ನೇ ಬಹುಮಾನ

​ಪ್ರಜಾವಾಣಿ ವಾರ್ತೆ
Published 25 ಏಪ್ರಿಲ್ 2019, 12:42 IST
Last Updated 25 ಏಪ್ರಿಲ್ 2019, 12:42 IST
ನಿರಂಜನ ನವಲಗುಂದ
ನಿರಂಜನ ನವಲಗುಂದ   

ಬೆಳಗಾವಿ: ಇಲ್ಲಿನ ಚೆಸ್ ಆಟಗಾರ, ಫಿಡೇ ಮಾಸ್ಟರ್ ನಿರಂಜನ ನವಲಗುಂದ ಬೆಂಗಳೂರಿನ ಸಿಲಿಕಾನ್ ಸಿಟಿ ಶಾಲೆಯಲ್ಲಿ ಈಚೆಗೆ ನಡೆದ 3ನೇ ಬೆಂಗಳೂರು ಮುಕ್ತ ಅಂತರರಾಷ್ಟ್ರೀಯ ಶ್ರೇಯಾಂಕಿತ ಚದುರಂಗ ಸ್ಪರ್ಧೆಯಲ್ಲಿ 3ನೇ ಬಹುಮಾನ ಪಡೆದಿದ್ದಾರೆ.

ರಾಜ್ಯದ ಪರವಾಗಿ ಭಾಗವಹಿಸಿದ್ದ ಅವರು 10 ಸುತ್ತಿನ ಸ್ಪರ್ಧೆಯಲ್ಲಿ ಉತ್ತಮ ಆಟ ಪ್ರದರ್ಶಿಸಿ 8.5 ಅಂಕ ಗಳಿಸಿದ್ದರು. 2ನೇ ಸ್ಥಾನ ಪಡೆದ ಸ್ಪರ್ಧಿಯೊಂದಿಗೆ ಸಮ ಅಂಕಗಳನ್ನು ಪಡೆದಿದ್ದರು. ಟೈ ಬ್ರೇಕ್ ನಿಯಮದ ಅನ್ವಯ 3ನೇ ಬಹುಮಾನ ಗಳಿಸಿದರು. ಗಿರೀಶ ಕೌಶಿಕ್ 9.5 ಅಂಕಗಳನ್ನು ಗಳಿಸಿ ಪ್ರಥಮ, ಚಕ್ರವರ್ತಿ ರೆಡ್ಡಿ 8.5 ಅಂಕಗಳನ್ನು ಗಳಿಸಿ 2ನೇ ಸ್ಥಾನ ಪಡೆದರು.

ವಿವಿಧ ರಾಜ್ಯಗಳ 390 ಆಟಗಾರರು ಭಾಗವಹಿಸಿದ್ದರು. ಬೆಂಗಳೂರಿನ ಆಟಗಾರರ ಪಾಲಕರು ಹಾಗೂ ಆಸಕ್ತರು ಸೇರಿ ಈ ಸ್ಪರ್ಧೆ ಆಯೋಜಿಸಿದ್ದರು.

ADVERTISEMENT

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.