ಕೆಎಸ್‌ಆರ್‌ಟಿಸಿ: ನೂತನ ಬಸ್ ಸೇವೆ

ಬೆಂಗಳೂರು: ರಾಜ್ಯ ರಸ್ತೆ ಸಾರಿಗೆ ನಿಗಮವು (ಕೆಎಸ್‌ಆರ್‌ಟಿಸಿ) ಬೆಂಗಳೂರಿನಿಂದ ಚೆನ್ನೈ, ತಿರುಪತಿ, ನೆಲ್ಲೂರು, ಪುಣೆ, ಕೊಡೈಕೆನಾಲ್ ಹಾಗೂ ಮುಂಬೈಗೆ (ಸೆಂಟ್ರಲ್ ಮತ್ತು ಬೊರಿವೆಲಿ) ನೂತನ ಬಸ್ ಸೇವೆಗಳನ್ನು ಆರಂಭಿಸಲಿದೆ.

ಈ ತಿಂಗಳ ಅಂತ್ಯ ಮತ್ತು ಮುಂದಿನ ತಿಂಗಳ ಮೊದಲ ವಾರದಲ್ಲಿ ಈ ಎಲ್ಲ ಬಸ್ ಸೇವೆಗಳು ಸಾರ್ವಜನಿಕರಿಗೆ ಲಭ್ಯವಾಗಲಿವೆ. 30 ದಿನ ಮುಂಚಿತವಾಗಿ ಮುಂಗಡ ಟಿಕೆಟ್ ಕಾಯ್ದಿರಿಸಲು ಅವಕಾಶ ಕಲ್ಪಿಸಲಾಗಿದೆ. ಹೆಚ್ಚಿನ ಮಾಹಿತಿಗೆ ನಿಗಮದ ವೆಬ್‌ಸೈಟ್‌ಗೆ (www.ksrtc.in) ಭೇಟಿ ನೀಡಬಹುದು ಅಥವಾ 080-44554422 ದೂರವಾಣಿ ಸಂಖ್ಯೆಗೆ ಕರೆ ಮಾಡಬಹುದು ಎಂದು ಪ್ರಕಟಣೆ ತಿಳಿಸಿದೆ.