ಕ್ವಾಲಿಸ್ ಹರಿದು ಇಬ್ಬರ ದುರ್ಮರಣ

ಕನಕಪುರ: ರಸ್ತೆಯಲ್ಲಿ ನಡೆದು ಹೋಗುತ್ತಿದ್ದ ಇಬ್ಬರು ವ್ಯಕ್ತಿಗಳ ಮೇಲೆ ಕ್ವಾಲಿಸ್ ವಾಹನ ಹರಿದ ಪರಿಣಾಮ ಅವರಿಬ್ಬರೂ ಸ್ಥಳದಲ್ಲೇ ಮೃತಪಟ್ಟ ಘಟನೆ ವನ್ನಿಗಾನ ಹಳ್ಳಿಯಲ್ಲಿ ಶನಿವಾರ ರಾತ್ರಿ ನಡೆದಿದೆ.

ಸಾತನೂರು ಹೋಬಳಿಯ ವನ್ನಿಗಾನ ಹಳ್ಳಿಯ ಹೆದ್ದಾರಿಯಲ್ಲಿ ಬೆಂಗಳೂರಿನಿಂದ ಮೈಸೂರು ಕಡೆಗೆ ಹೊರಟಿದ್ದ ಕ್ವಾಲಿಸ್ ವಾಹನ (ಸಂಖ್ಯೆ: ಕೆ.ಎ.01ಎಡಿ 44) ರಸ್ತೆಯಲ್ಲಿ ನಡೆದು ಹೋಗುತ್ತಿದ್ದ ಇಬ್ಬರ ಮೇಲೆ ಹರಿದಿದೆ.

ಮೃತರನ್ನು ವನ್ನಿಗಾನ ಹಳ್ಳಿಯ ವೆಂಕಟೇಶ್ ಮತ್ತು ಬಸವರಾಜ್ ಎಂದು ಗುರುತಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ವಾಹನ ಹರಿಸಿದ ಕೂಡಲೇ ಅದರಲ್ಲಿದ್ದವರು ವಾಹನವನ್ನು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ.