ಚಿರತೆ ಸೆರೆಗೆ ಬೋನು

ದಾಬಸ್‌ಪೇಟೆ: ನೆಲಮಂಗಲ ತಾಲ್ಲೂಕಿನ ರಾಮೇನಹಳ್ಳಿಯ ರಾಮದೇವರ ಬೆಟ್ಟ, ಚನ್ನೋಹಳ್ಳಿ ಹಾಗೂ ನಿಜಗಲ್ ಕೆಂಪೋಹಳ್ಳಿಯ ನೀಲಗಿರಿ ತೋಪುಗಳಲ್ಲಿ ಚಿರತೆ ಕಾಣಿಸಿಕೊಳ್ಳುತ್ತಿರುವುದು ಜನರ ಆತಂಕಕ್ಕೆ ಕಾರಣವಾಗಿದೆ.

ಅರಣ್ಯ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ಚಿರತೆ ಸೆರೆಗೆ ಬೋನು ಇಟ್ಟಿದ್ದಾರೆ.

‘ಚನ್ನೋಹಳ್ಳಿ, ಕೆಂಪೋಹಳ್ಳಿ, ಜೇನಗರ ಪಾಳ್ಯ, ನರಸೀಪುರ ಗ್ರಾಮಗಳ 10ಕ್ಕೂ ಹೆಚ್ಚು ಮೇಕೆಗಳನ್ನು ಚಿರತೆಯು ತಿಂದಿದೆ. ಚಿರತೆಯು 2–3 ದಿನಗಳಿಂದ ಹಲವರ ಕಣ್ಣಿಗೆ ಬಿದ್ದಿದೆ. ಭಯಭೀತರಾದ ಸ್ಥಳೀಯರು ದೂರು ನೀಡಿದ್ದರು. ಚಿರತೆ ಸೆರೆಗೆ ಕ್ರಮ ಕೈಗೊಂಡಿದ್ದೇವೆ’ ಎಂದು ಅರಣ್ಯಾಧಿಕಾರಿ ಶ್ರೀನಾಥ್ ತಿಳಿಸಿದರು.