ತಂಬಾಕು ರಹಿತ ದಿನ: 10 ಲಕ್ಷ ಸಹಿ ಸಂಗ್ರಹಕ್ಕೆ ಚಾಲನೆ

ಬೆಂಗಳೂರು: ತಂಬಾಕು ದುಷ್ಪರಿಣಾಮಗಳಿಂದ ಮಕ್ಕಳನ್ನು ರಕ್ಷಿಸುವ ಕುರಿತು ಜಾಗೃತಿ ಮೂಡಿಸುವ ಉದ್ದೇಶದಿಂದ ‘10 ಲಕ್ಷ ಸಹಿ ಸಂಗ್ರಹ’ ಆಂದೋಲನಕ್ಕೆ ತಂಬಾಕು ಮುಕ್ತ ಕರ್ನಾಟಕ ಒಕ್ಕೂಟ ಚಾಲನೆ ನೀಡಿದೆ.

ಮೇ 31ರಂದು ಇರುವ ವಿಶ್ವ ತಂಬಾಕು ರಹಿತ ದಿನದ ಅಂಗವಾಗಿ ಆರಂಭವಾದ ಅಭಿಯಾನಕ್ಕೆ ಅಥ್ಲೀಟ್ ಅರ್ಜುನ್ ದೇವಯ್ಯ ಸಹಿ ಹಾಕುವ ಮೂಲಕ ಚಾಲನೆ ನೀಡಿದರು.

ರಾಜ್ಯದ ಆರು ನಗರಗಳಲ್ಲಿ ಸ್ಥಾಪನೆಯಾಗಲಿರುವ, ತಂಬಾಕು ವಿರೋಧಿ ಮಾಹಿತಿಗಳನ್ನು ಒಳಗೊಂಡ ಕಿಯೋಸ್ಕ್‌ ಅನ್ನು ಬಿಬಿಎಂಪಿ ಅಧಿಕಾರಿ ಎಚ್‌.ಎನ್‌.ಲೋಕೇಶ್ ಉದ್ಘಾಟಿಸಿದರು.