ಮೋದಿ ಗಾರ್ಡನ್‌ಗೆ ಮಿಡಿ ಬಸ್‌

ಬೆಂಗಳೂರು: ಕೆಂಪೇಗೌಡ ಬಸ್ ನಿಲ್ದಾಣದಿಂದ (ಮೆಜೆಸ್ಟಿಕ್) ಮೋದಿನಗರದ ಮೋದಿ ಗಾರ್ಡನ್‌ಗೆ ಆರಂಭಿಸಿರುವ ಬಿಎಂಟಿಸಿ ನೂತನ ಬಸ್ ಸಂಚಾರ ಸೇವೆಗೆ ಬಿಎಂಟಿಸಿ ಅಧ್ಯಕ್ಷ ನಾಗರಾಜ್ ಯಾದವ್‌ ಭಾನುವಾರ ಚಾಲನೆ ನೀಡಿದರು.

ಈ ಮಾರ್ಗದಲ್ಲಿ ಮಿಡಿಬಸ್ ಪ್ರತಿದಿನ ಬೆಳಿಗ್ಗೆ 6.30ರಿಂದ ಮಧ್ಯಾಹ್ನ 12 ರ ವರೆಗೆ 4 ಟ್ರಿಪ್ ಹಾಗೂ ಸಂಜೆ 4 ರಿಂದ 10ರ ವರೆಗೆ 4 ಟ್ರಿಪ್‌ಗಳು ಸಂಚಾರ ನಡೆಸಲಿದೆ. ಬಸ್‌ನಲ್ಲಿ ಒಟ್ಟು 31 ಸೀಟುಗಳಿವೆ.

ವಿದ್ಯಾರ್ಥಿಗಳು, ಮಹಿಳೆಯರು ಹಾಗೂ ಹಿರಿಯರಿಗೆ ಅನುಕೂಲವಾಗಲಿದೆ. ಪ್ರಯಾಣಿಕರ ಸಂಖ್ಯೆಗೆ ಅನುಗುಣವಾಗಿ ಹೆಚ್ಚುವರಿಯಾಗಿ ಬಸ್‌ಗಳನ್ನು ಓಡಿಸಲು ಪರಿಶೀಲಿಸುತ್ತೇವೆ ಎಂದು ನಾಗರಾಜ್ ಯಾದವ್‌ ತಿಳಿಸಿದರು.

ಬಳಿಕ ಪುಲಕೇಶಿನಗರದ ಶಾಸಕ ಅಖಂಡ ಶ್ರೀನಿವಾಸಮೂರ್ತಿ ನೇತೃತ್ವದಲ್ಲಿ ಸ್ವಚ್ಛತಾ ಅಭಿಯಾನ ನಡೆಯಿತು.