ವಿದ್ಯಾರ್ಥಿಗಳಿಗೆ ಕೊಚ್ಚಾಡಿಯನ್‌ ಬ್ಯಾಗ್‌ ವಿತರಣೆ

ಬೆಂಗಳೂರು ‘ಕೊಚ್ಚಾಡಿಯನ್‌’ ಸಿನಿಮಾದ ಆಡಿಯೋ ಸಿ.ಡಿ ಬಿಡುಗಡೆ ಅಂಗವಾಗಿ ‘ಕರ್ನಾಟಕ ರಾಜ್ಯ ರಜಿನಿ ಜಿ ಸೇವಾ ಸಮಿತಿ’ ವತಿಯಿಂದ ಗವಿಪುರ ಗುಟ್ಟಹಳ್ಳಿ ಸರ್ಕಾರಿ ಶಾಲೆಯಲ್ಲಿ ಮಕ್ಕಳಿಗೆ ಸಿಹಿ ಹಂಚಲಾಯಿತು.

ರಜನಿಕಾಂತ್‌ ಅವರ ನಾಟಕದ ಗುರು ಪಿ.ಎಸ್‌.ಚಂದ್ರಶೇಖರ್‌ ಅವರು ಮಾತನಾಡಿ, ‘ರಜನಿಕಾಂತ್‌ ಅವರ ನಟನೆಗೆ ಮರುಳಾದವರೇ ಇಲ್ಲ. ಹಲವು ಉತ್ತಮ ಚಿತ್ರಗಳನ್ನು ನೀಡಿದ್ದಾರೆ. ಅವರ ಕೊಚ್ಚಾಡಿಯನ್‌ ಸಿನಿಮಾವೂ ಶತದಿನ­ಗಳನ್ನು ಪೂರೈಸಲಿ’ ಎಂದು ಆಶಿಸಿದರು. ಇದೇ ಸಂದರ್ಭದಲ್ಲಿ ಶಾಲಾ ಮಕ್ಕಳಿಗೆ ಶಾಲಾ ಬ್ಯಾಗ್‌ ವಿತರಿಸಲಾಯಿತು.