ಬಜೆಟ್ ಪುಸ್ತಕ ನೀಡಲು ಒತ್ತಾಯ

ಬೆಂಗಳೂರು: ಪಾಲಿಕೆಯು 2020–21ನೇ ಸಾಲಿನ ಬಜೆಟ್‌ ಪುಸ್ತಕವನ್ನು ಎಲ್ಲಾ ಸದಸ್ಯರಿಗೆ ಕೂಡಲೇ ಒದಗಿಸಬೇಕು ಎಂದು ಬಿಬಿಎಂಪಿ ವಿರೋಧ ಪಕ್ಷದ ನಾಯಕ ಅಬ್ದುಲ್ ವಾಜಿದ್ ಒತ್ತಾಯಿಸಿದ್ದಾರೆ.

‘ಇದೇ 17ರಂದು ತಲುಪಿಸುವುದಾಗಿ ಕೌನ್ಸಿಲ್ ಸಭೆಯಲ್ಲಿ ಮೇಯರ್ ಭರವಸೆ ನೀಡಿದ್ದರು.ಬಜೆಟ್‌ಗೆ ನಗರಾಭಿವೃದ್ಧಿ ಇಲಾಖೆ ಅನುಮೋದನೆ ನೀಡಿ ತಿಂಗಳು ಕಳೆದರೂ ಪುಸ್ತಕ ಸದಸ್ಯರ ಕೈಗೆ ಬಂದಿಲ್ಲ’ ಎಂದು ತಿಳಿಸಿದ್ದಾರೆ.

‘ಸದಸ್ಯರ ಅವಧಿ 2 ತಿಂಗಳಷ್ಟೇ ಇದೆ. ತಮ್ಮ ವಾರ್ಡ್‌ಗೆ ದೊರೆತಿರುವ ಅನುದಾನದ ವಿವರ ಪಡೆಯಲು ಸಾಧ್ಯವಾಗುತ್ತಿಲ್ಲ‘ ಎಂದು ಅವರು ಹೇಳಿದ್ದಾರೆ.