‘ಗಿಫ್ಟ್‌ ಎ ಸ್ಮೈಲ್’ ಶೈಕ್ಷಣಿಕ ಯೋಜನೆಗೆ ಸಹಯೋಗ
Published 4 ಜನವರಿ 2021, 18:46 IST
ಬೆಂಗಳೂರು:ಇಸ್ರೇಲ್‌ನ ದಕ್ಷಿಣ ಭಾರತ ದೂತಾವಾಸ ಸಂಸ್ಥೆಯು ಆರ್ಟ್‌ ಆಫ್‌ ಲಿವಿಂಗ್‌ ಸಂಸ್ಥೆಯ ‘ಗಿಫ್ಟ್‌ ಎ ಸ್ಮೈಲ್’ ಶೈಕ್ಷಣಿಕ ಕಾರ್ಯಕ್ರಮದ ಜೊತೆಗೂಡಿ ಕರ್ನಾಟಕ ಮತ್ತು ತಮಿಳುನಾಡಿನ ಅವಕಾಶವಂಚಿತ ಶಾಲಾ ಮಕ್ಕಳ ದೂರಶಿಕ್ಷಣಕ್ಕೆ ಅಗತ್ಯವಿರುವ ಮೂಲಸೌಕರ್ಯ ಒದಗಿಸಲು ಮುಂದಾಗಿದೆ.
ಎರಡೂ ರಾಜ್ಯಗಳ ಗ್ರಾಮೀಣ ಭಾಗದ ಶಾಲಾ ಮಕ್ಕಳಿಗೆ ಆನ್‌ಲೈನ್‌ ಶಿಕ್ಷಣ ನೀಡಲು ಬೋಧನಾ ಸಾಮಗ್ರಿ ಒಳಗೊಂಡಿರುವ 100 ಟ್ಯಾಬ್ಲೆಟ್‌ಗಳನ್ನು ಆರ್ಟ್‌ ಆಫ್‌ ಲಿವಿಂಗ್‌ ಸಂಸ್ಥೆಯ ಮೂಲಕ ವಿತರಿಸಲಿದೆ.
‘ಇದರಿಂದಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ವಿದ್ಯಾರ್ಥಿಗಳ ಕಲಿಕೆಯ ವೇಗ ಹೆಚ್ಚಲಿದೆ. ಆನ್‌ಲೈನ್‌ ಮೂಲಕ ದೊರೆಯುವ ಶಿಕ್ಷಣವು ಅವಕಾಶವಂಚಿತ ವಿದ್ಯಾರ್ಥಿಗಳಿಗೆ ಸಹಕಾರಿಯಾಗಲಿದೆ’ ಎಂದುಆರ್ಟ್‌ ಆಫ್‌ ಲಿವಿಂಗ್‌ ಸಂಸ್ಥೆಯ ಶ್ರೀ ಶ್ರೀ ರವಿಶಂಕರ್ ಗುರೂಜಿ ತಿಳಿಸಿದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.