’ಟಿಕ್ಟಾಕ್’ನಲ್ಲಿ ಬೆಂಗಳೂರು ನಗರ ಪೊಲೀಸರು
ಬೆಂಗಳೂರು: ಟ್ವಿಟರ್‌, ಫೇಸ್ಬುಕ್ ಸೇರಿ ಹಲವು ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ನಗರ ಪೊಲೀಸರು ಇದೀಗ ‘ಟಿಕ್ಟಾಕ್’ ಮೊಬೈಲ್ ಆ್ಯಪ್‌ನಲ್ಲೂ ‘@blrcitypolice' ಖಾತೆ ತೆರೆದಿದ್ದಾರೆ.
ಇಲಾಖೆಯ ಕಾರ್ಯಕ್ರಮ ಹಾಗೂ ಪೊಲೀಸರ ಸಾಧನೆ ವಿಡಿಯೊಗಳನ್ನು ಟಿಕ್ಟಾಕ್ ಖಾತೆಯಲ್ಲಿ ಅಪ್ಲೋಡ್ ಮಾಡಲಿದ್ದಾರೆ. ಪೊಲೀಸ್ ಖಾತೆಯನ್ನು25 ಸಾವಿರಕ್ಕೂ ಹೆಚ್ಚು ಮಂದಿ ಹಿಂಬಾಲಿಸುತ್ತಿದ್ದಾರೆ.ಪೊಲೀಸರ ಕೆಲಸಗಳ ವಿಡಿಯೊಕ್ಕೆ ಸಂಗೀತ ಜೋಡಿಸಿ ಅಪ್ಲೋಡ್ ಮಾಡುತ್ತಿರುವುದು ಹಲವರ ಮೆಚ್ಚುಗೆ ಗಳಿಸಿದೆ.
‘ಸಾಮಾಜಿಕ ಜಾಲತಾಣವೇ ಬಲಶಾಲಿಯಾದದ್ದು ಎಂಬುದಾಗಿ ಪೊಲೀಸರು ನಂಬಿದ್ದಾರೆ. ಜನರ ಜೊತೆ ಸಂಪರ್ಕ ಸಾಧಿಸಲು ಹೆಚ್ಚೆಚ್ಚು ಸಾಮಾಜಿಕ ಜಾಲತಾಣಗಳನ್ನು ಬಳಸುತ್ತಿದ್ದೇವೆ. ಈಗ ಟಿಕ್‌ಟಾಕ್‌ನಲ್ಲೂ ಖಾತೆ ತೆರೆದಿದ್ದೇವೆ’ ಎಂದು ನಗರ ಪೊಲೀಸ್ ಕಮಿಷನರ್ ಭಾಸ್ಕರ್ ರಾವ್ ಟ್ವೀಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.