ರಸ್ತೆ ಗುಂಡಿ ವಿರುದ್ಧ ‘ಬಿಬಿಎಂಪಿ’ ಹೋರಾಟ!

ಬೆಂಗಳೂರು: ‘ನಗರದ ಮೂಲ ಸೌಕರ್ಯ ಅಭಿವೃದ್ಧಿಯಲ್ಲಿ ವಿಫಲವಾದ ರಾಜ್ಯ ಸರ್ಕಾರದ ವಿರುದ್ಧ ಬೆಂಗಳೂರು ಬ್ಲ್ಯಾಕ್‌ ಮಾಸ್ಕ್‌ ಪ್ರೊಟೆಸ್ಟ್‌ (ಬಿಬಿಎಂಪಿ) ಎಂಬ ಘೋಷಣೆಯೊಂದಿಗೆ ಮಾಸ್ಕ್‌ ಧರಿಸಿಕೊಂಡು ರಸ್ತೆ ಗುಂಡಿಗಳ ಬಳಿ ಪ್ರತಿಭಟನೆ ನಡೆಸಲಾಗುವುದು’ ಎಂದು  ಉದ್ಯಮಿ ಅನಿಲ್‌ ಶೆಟ್ಟಿ ತಿಳಿಸಿದ್ದಾರೆ.

‘ಪ್ರತಿಭಟನೆ ಮಾಡುವ ನಾಗರಿಕರು ಸರ್ಕಾರದ ಮತ್ತು ಸ್ಥಳೀಯ ರಾಜಕಾರಣಿಗಳ ಕೆಂಗಣ್ಣಿಗೆ ಗುರಿಯಾಗುವುದನ್ನು ತಪ್ಪಿಸ್ಸಿಕೊಳ್ಳಲು ಕಪ್ಪು ಮಾಸ್ಕ್‌ ಧರಿಸಲಾಗುವುದು. ಈಗಾಗಲೇ ಕೆಲವು ಕಡೆಗಳಲ್ಲಿ ಪ್ರತಿಭಟನೆ ನಡೆಸಲಾಗಿದೆ. ಇದರ ಫೋಟೊ ಮತ್ತು ವಿಡಿಯೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸಲಾಗುವುದು’ ಎಂದು ಹೇಳಿದ್ದಾರೆ.