ಬೆಂಗಳೂರು: ಜಲಮಂಡಳಿಯು ಇದೇ 30ರಿಂದ ಡಿ.5ರವರೆಗೆ ಸಕಾಲ ಸಪ್ತಾಹವನ್ನು ಹಮ್ಮಿಕೊಂಡಿದೆ. ಸಕಾಲ ಯೋಜನೆಯಡಿ ಮಂಡಳಿಯು 9 ಸೇವೆಗಳನ್ನು ನೀಡುತ್ತಿದ್ದು, ಇವುಗಳ ವಿವರವನ್ನು ಆಯಾ ಪ್ರದೇಶದ ನಿರ್ವಹಣಾ ವಲಯಗಳ ಕಚೇರಿಯಲ್ಲಿ ನೀಡಲಾಗುತ್ತದೆ.
ಸಕಾಲ ಸೇವೆಗಳು: ಅಪಾರ್ಟ್ಮೆಂಟ್ ಸಮುಚ್ಚಯಗಳನ್ನು ಹೊರತುಪಡಿಸಿ, ಹೊಸ ಸಂಪರ್ಕವನ್ನು ಅಥವಾ ಹೆಚ್ಚುವರಿ ಸಂಪರ್ಕವನ್ನು ಒದಗಿಸಲು ಅನುಮತಿ, ಬಹುಮಹಡಿ ಕಟ್ಟಡಗಳಿಗಾಗಿ ನೀರಿನ ಸಂಪರ್ಕ ಮತ್ತು ಒಳಚರಂಡಿ ವ್ಯವಸ್ಥೆ ಕಲ್ಪಿಸುವುದಕ್ಕೆ ಅನುಮತಿ, ಕಟ್ಟಿಕೊಂಡ ಒಳಚರಂಡಿ ಪೈಪ್ಗಳು, ಒಡೆದುಹೋದ ಪೈಪ್ಗಳ ದುರಸ್ತಿಗೆ ಕ್ರಮ, ನೀರು ಸರಬರಾಜಿಗೆ ಸಂಬಂಧಿಸಿದ ದೂರುಗಳು, ದೋಷಪೂರಿತ ಮೀಟರ್ ಪರಿಶೀಲನೆ ಹಾಗೂ ಬದಲಾವಣೆಗೆ ಸಂಬಂಧಿಸಿದ ಸೇವೆಗಳನ್ನು ಈ ಸಪ್ತಾಹದಲ್ಲಿ ಒದಗಿಸಲಾಗುವುದು ಎಂದು ಮಂಡಳಿ ತಿಳಿಸಿದೆ.
ನಿರ್ವಹಣಾ ವಲಯದ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್ ಕಚೇರಿಯ ವಿಳಾಸವು ಮಂಡಳಿಯ ಅಧಿಕೃತ ವೆಬ್ಸೈಟ್ www.bwssb.gov.inನಲ್ಲಿ ಲಭ್ಯ ಇದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.