ಬೆಂಗಳೂರು: ಕೊರೊನಾ ಸೋಂಕಿತರಾಗಿದ್ದ ಗರ್ಭಿಣಿಯೊಬ್ಬರು 24 ವಾರಗಳಿಗೆ ಮಗುವಿಗೆ ಜನ್ಮನೀಡಿದ್ದು, 500 ಗ್ರಾಂ ತೂಕದ ಮಗು ಹಾಗೂ ತಾಯಿಯನ್ನುಆಸ್ಟರ್ ಸಿಎಂಐ ಆಸ್ಪತ್ರೆ ವೈದ್ಯರು ರಕ್ಷಿಸಿದ್ದಾರೆ.
ಇಲ್ಲಿನ ರೇಖಾ ರಮೇಶ್ ಎನ್ನುವವರು ಈಮೊದಲುಹಲವು ಬಾರಿ ಗರ್ಭಪಾತಕ್ಕೆಒಳಗಾಗಿದ್ದರು. ಅವರು ಐವಿಎಫ್ ಚಿಕಿತ್ಸೆಯ ಮೂಲಕ ಗರ್ಭಧರಿಸಿದ್ದರು. ಕೆಲ ದಿನಗಳ ಹಿಂದೆ ಕೋವಿಡ್ ಪೀಡಿತರಾಗಿದ್ದ ಅವರಿಗೆ ಸಂಕೀರ್ಣ ಅನಾರೋಗ್ಯ ಸಮಸ್ಯೆಗಳು ಕಾಣಿಸಿಕೊಂಡಿದ್ದವು. ಆಸ್ಟರ್ ಸಿಎಂಐ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಒದಗಿಸಲಾಗಿತ್ತು. ತೀವ್ರ ನಿಗಾ ಘಟಕಕ್ಕೆ (ಐಸಿಯು) ದಾಖಲಾಗಿದ್ದ ಅವರ ಜೀವಕ್ಕೆ ಅಪಾಯ ತಪ್ಪಿಸಲು ವೈದರು ಶಸ್ತ್ರಚಿಕಿತ್ಸೆಯ ಮೂಲಕ ಮಗುವನ್ನು ಹೊರತೆಗೆದಿದ್ದಾರೆ.
‘ಕೊರೊನಾ ಸೋಂಕಿನಿಂದ ಅವರ ಶ್ವಾಸಕೋಶಕ್ಕೆ ಹಾನಿಯಾಗಿತ್ತು. ಹೀಗಾಗಿ,ಅವರನ್ನು ವೆಂಟಿಲೇಟರ್ನಲ್ಲಿ ಇರಿಸಬೇಕಾಯಿತು ಕೋವಿಡ್ ಐಸಿಯು ತಂಡದನೆರವಿನೊಂದಿಗೆ ಶಸ್ತ್ರಚಿಕಿತ್ಸೆಯನ್ನುಯಶಸ್ವಿಯಾಗಿನಡೆಸಿ, ಆರೈಕೆ ಮಾಡಲಾಯಿತು. ಮಗು ಅವಧಿಪೂರ್ವ ಜನಿಸಿದ್ದರಿಂದ 500 ಗ್ರಾಂ ತೂಕ ಹೊಂದಿತ್ತು. ಮಗು ಹಾಗೂ ತಾಯಿ ಆರೋಗ್ಯದಿಂದ ಇದ್ದಾರೆ’ ಎಂದುಆಸ್ಪತ್ರೆಯ ಪ್ರಸೂತಿ ಮತ್ತು ಸ್ತ್ರೀರೋಗ ಸಲಹಾತಜ್ಞ ಡಾ. ಚೇತನಾ ವಿ. ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.