ಕ್ರಿಕೆಟ್ ಬೆಟ್ಟಿಂಗ್; ₹41,500 ಜಪ್ತಿ

ಬೆಂಗಳೂರು: ಇಂಗ್ಲೆಂಡ್ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಟ್ವೆಂಟಿ–20 ಕ್ರಿಕೆಟ್‌ ಪಂದ್ಯಗಳ ವೇಳೆ ಬೆಟ್ಟಿಂಗ್ ನಡೆಸುತ್ತಿದ್ದ ಆರೋಪದಡಿ ರಾಕೇಶ್‌ ಕುಮಾರ್ ಗುಪ್ತಾ (35) ಎಂಬಾತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

‘ಜ್ಞಾನಭಾರತಿ ಠಾಣೆ ವ್ಯಾಪ್ತಿಯ ‘ಗುಪ್ತಾ ಐರನ್ ಆ್ಯಂಡ್ ಸ್ಟೀಲ್ಸ್’ ಮಳಿಗೆ ಬಳಿ ನಿಂತುಕೊಂಡು ಆರೋಪಿ ಜನರಿಂದ ಬೆಟ್ಟಿಂಗ್‌ ಸಲುವಾಗಿ ಹಣ ಕಟ್ಟಿಸಿಕೊಳ್ಳುತ್ತಿದ್ದ. ಆರೋಪಿಯಿಂದ ₹41,500 ನಗದು ಹಾಗೂ ಮೊಬೈಲ್ ಜಪ್ತಿ ಮಾಡಲಾಗಿದೆ’ ಎಂದು ಸಿಸಿಬಿ ಪೊಲೀಸ್ ಅಧಿಕಾರಿ ಹೇಳಿದರು.