‘ಪಾಸ್‌ ಅವಧಿ ಮೇ 3ರವರೆಗೆ ವಿಸ್ತರಣೆ; ಹೊಸ ಪಾಸ್ ಕೊಡಲ್ಲ’

ಬೆಂಗಳೂರು: ಸಾರ್ವಜನಿಕರಿಗೆ ಅಗತ್ಯ ಸೇವೆ ಸಲ್ಲಿಸುವವರಿಗೆ ಪೊಲೀಸ್ ಇಲಾಖೆ ನೀಡಿರುವ ಪಾಸ್‌ಗಳ ಅವಧಿಯನ್ನು ಮೇ 3 ರವರೆಗೆ ವಿಸ್ತರಣೆ ಮಾಡಲಾಗಿದೆ. ಲಾಕ್‌ಡೌನ್‌ ಮುಂದುವರಿದಿರುವುದರಿಂದ ಇಲಾಖೆ ಈ ತೀರ್ಮಾನ ಕೈಗೊಂಡಿದೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಪೊಲೀಸ್ ಮಹಾನಿರ್ದೇಶಕ ಪ್ರವೀಣ್ ಸೂದ್, ‘ಈಗಾಗಲೇ ನೀಡಿರುವ ಪಾಸ್‌ಗಳ ಅವಧಿ ಮೇ 3ರವರೆಗೆ ಇರಲಿದೆ’ ಎಂದಿದ್ದಾರೆ.

‘ಇನ್ನು ಮುಂದೆ ಯಾವುದಕ್ಕೂ ಹೊಸದಾಗಿ ಪಾಸ್ ಕೊಡುವುದಿಲ್ಲ. ನಿಗದಿತ ಉದ್ದೇಶಕ್ಕೆ ಮಾತ್ರ ಪಾಸ್‌ ಬಳಕೆ ಮಾಡಬೇಕು. ಪಾಸ್‌ ಇದೆ ಎಂದು ಬೇಕಾಬಿಟ್ಟಿಯಾಗಿ ಓಡಾಡಿದರೆ ದಂಡ ತೆರಬೇಕಾಗುತ್ತದೆ’ ಎಂದು ಅವರು ಎಚ್ಚರಿಸಿದ್ದಾರೆ.