ಡಿಕೆಶಿ ಮಕ್ಕಳ ಫೋಟೊ ಬಳಕೆ: 2 ಯೂಟ್ಯೂಬ್ ಚಾನಲ್ ವಿರುದ್ಧ ಎಫ್‌ಐಆರ್ ದಾಖಲು
Published 6 ಫೆಬ್ರುವರಿ 2023, 19:42 IST
ಬೆಂಗಳೂರು: ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಅವರ ಮಕ್ಕಳ ಫೋಟೊ ಬಳಸಿಕೊಂಡು ಮಾನಹಾನಿ ವಿಡಿಯೊ ಹರಿಬಿಟ್ಟಿರುವ ಆರೋಪದಡಿ ಯೂಟ್ಯೂಬ್‌ನಲ್ಲಿರುವ ಎರಡು ಚಾನೆಲ್‌ಗಳ ವಿರುದ್ಧ ಕೇಂದ್ರ ವಿಭಾಗದ ಸೈಬರ್ ಕ್ರೈಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
‘ಡಿ. ಉಮೇಶ್ ಎಂಬುವರು ದೂರು ನೀಡಿದ್ದಾರೆ. ‘ಇಂಡಿಯಾ ರಿಪೋರ್ಟ್ಸ್’ ಹಾಗೂ ‘ಬಿ4ಯು ಕನ್ನಡ’ ಯೂಟ್ಯೂಬ್ ಚಾನೆಲ್‌ಗಳ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ಎರಡೂ ಚಾನೆಲ್‌ಗಳನ್ನು ಯಾರದ್ದು ಎಂಬುದನ್ನು ಪತ್ತೆ ಮಾಡಲಾಗುತ್ತಿದೆ’ ಎಂದು ಪೊಲೀಸ್ ಮೂಲಗಳು ಹೇಳಿವೆ.
‘ಇವರ ಮಕ್ಕಳು ಮೀಡಿಯಾ ಮುಂದೆ ಬರೋದಿಲ್ಲ ಯಾಕೆ?’ ಹಾಗೂ ‘ಹೂ ಇಸ್ ಆಭರಣ ಡಿ.ಕೆ. ಶಿವಕುಮಾರ್ ಕೆಪಿಸಿಸಿ’ ಶೀರ್ಷಿಕೆಯಡಿ ವಿಡಿಯೊ ಹರಿಬಿಡಲಾಗಿತ್ತು. ಶಿವಕುಮಾರ್ ಅವರ ಮಗ ಹಾಗೂ ಮಗಳ ಫೋಟೊವನ್ನು ವಿಡಿಯೊದಲ್ಲಿ ಬಳಸಲಾಗಿತ್ತು’ ಎಂದು ತಿಳಿಸಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.