ಬೆಂಗಳೂರು: ನಿವೃತ್ತ ಡಿಜಿಪಿ ಪಿ.ಜಿ.ಹರ್ಲಂಕರ್ ನಿಧನ

ಬೆಂಗಳೂರು: ನಿವೃತ್ತ ಡಿಜಿಪಿ ಪಿ.ಜಿ. ಹರ್ಲಂಕರ್‌ (88) ಅವರು ವಿಕ್ರಮ್ ಆಸ್ಪತ್ರೆಯಲ್ಲಿ ಶನಿವಾರ ಸಂಜೆ ನಿಧನರಾದರು.

1983ರಿಂದ 1986ರ ಅವಧಿಯಲ್ಲಿ ನಗರ ಪೊಲೀಸ್ ಕಮಿಷನರ್‌ ಆಗಿಯೂ ಹರ್ಲಂಕರ್ ಅವರು ಕೆಲಸ ಮಾಡಿದ್ದರು. ನಿವೃತ್ತ ನಂತರ ಪುಲಿಕೇಶಿನಗರದ ರಿಚರ್ಡ್ಸ್‌ ಟೌನ್‌ನಲ್ಲಿ ವಾಸವಿದ್ದರು. ಅನಾರೋಗ್ಯದಿಂದಾಗಿ ಅವರನ್ನು ಇತ್ತೀಚೆಗೆ ವಿಕ್ರಮ್‌ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

‘ಹರ್ಲಂಕರ್ ಅವರ ಇಚ್ಛೆಯಂತೆ, ಅವರ ಪಾರ್ಥೀವ ಶರೀರವನ್ನು ಮಡಿವಾಳದ ಸೇಂಟ್ ಜಾನ್ಸ್ ಆಸ್ಪತ್ರೆಗೆ ದಾನ ಮಾಡಲಾಗಿದೆ’ ಎಂದು ಕುಟುಂಬದವರು ತಿಳಿಸಿದರು.