ಬೆಂಗಳೂರು | ಗಾಂಜಾ ಮಾರಾಟ: ಅಪರಾಧಿಗೆ ಮೂರು ವರ್ಷ ಜೈಲು

ಬೆಂಗಳೂರು: ಗಾಂಜಾ ಮಾರಾಟ ಮಾಡಿದ್ದ ಅಪರಾಧಿಗೆ ಮೂರು ವರ್ಷ ಜೈಲು ಶಿಕ್ಷೆ ಹಾಗೂ ₹50 ಸಾವಿರ ದಂಡ ವಿಧಿಸಿ ನಗರದ ಸಿಸಿಎಚ್ 33ನೇ ವಿಶೇಷ ನ್ಯಾಯಾಲಯವು ಆದೇಶಿಸಿದೆ.

ಸ್ಯಾಮ್ಯುವೆಲ್‌ ಅಲಿಯಾಸ್‌ ಶಾಮ್‌ ಶಿಕ್ಷೆಗೆ ಗುರಿಯಾದ ಅಪರಾಧಿ.

2021ರ ಡಿ.9ರಂದು ಸ್ಯಾಮ್ಯುವೆಲ್‌ನನ್ನು ಆಡುಗೋಡಿ ಠಾಣೆಯ ಪೊಲೀಸರು ಬಂಧಿಸಿದ್ದರು. ದಾಳಿ ವೇಳೆ ಅಪರಾಧಿಯಿಂದ ಐದು ಕೆ.ಜಿ. ಗಾಂಜಾ ಜಪ್ತಿ ಮಾಡಿಕೊಂಡಿದ್ದರು. ಪಿಎಸ್‌ಐಗಳಾದ ಬಸವರಾಜ್‌ ಜಂದೆ ಹಾಗೂ ನಾಗರಾಜ್‌ ಎಸ್. ಶೆಟ್ಟರ್ ಅವರು ತನಿಖೆ ನಡೆಸಿ ನ್ಯಾಯಾಲಯಕ್ಕೆ ದೋಷರೋಪ ಪಟ್ಟಿ ಸಲ್ಲಿಸಿದ್ದರು.