ಗಾಂಜಾ-ಕೊಕೇನ್ ಮಾರಾಟ: ಬಂಧನ

ಬೆಂಗಳೂರು: ಗಾಂಜಾ ಮತ್ತು ಕೊಕೇನ್ ಮಾರುತ್ತಿದ್ದ ನೈಜೀರಿಯಾದ ಇಬ್ಬರನ್ನು ರಾಜಗೋಪಾಲನಗರ ಪೊಲೀಸರು ಬಂಧಿಸಿದ್ದಾರೆ.

ಹುಣಸಮಾರನಹಳ್ಳಿಯಲ್ಲಿ ನೆಲೆಸಿದ್ದ ಥಾಮಸ್ (46) ಹಾಗೂ ಬಾಗಲೂರಿನಲ್ಲಿದ್ದ ಇಕೆಚುಕ್ವಾ ಡೇನಿಯಲ್‌ (39) ಬಂಧಿತ ಆರೋಪಿಗಳು.

'ನೈಜೀರಿಯಾದಿಂದ ಬಂದು ನಗರದಲ್ಲಿ ಬಟ್ಟೆ ವ್ಯಾಪಾರ ನಡೆಸುತ್ತಿದ್ದ ವೇಳೆ ರಾಜೇಶ್ ಎಂಬುವನ ಪರಿಚಯವಾಗಿತ್ತು. ಆತನಿಂದ ಗಾಂಜಾ ಪಡೆದು ಮಾರಾಟ ಮಾಡುತ್ತಿದ್ದೆವು' ಎಂದು ವಿಚಾರಣೆ ವೇಳೆ ತಿಳಿಸಿದ್ದಾರೆ.

ಇವರಿಂದ 2.26 ಕೆ.ಜಿ ಗಾಂಜಾ, 6 ಗ್ರಾಂ ಕೊಕೇನ್ ಹಾಗೂ ಎಲೆಕ್ಟ್ರಾನಿಕ್ ತೂಕದ ಯಂತ್ರವನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.