ಐಬಿಎಂ ಕ್ಯೂ2ಡಿ–ಐಬಿಎಂ ಗ್ಲೋಬಲ್ ಪ್ರವೇಶ ಪರೀಕ್ಷೆ ಆರಂಭ

ಬೆಂಗಳೂರು: 2025-26ನೇ ಶೈಕ್ಷಣಿಕ ಸಾಲಿನಲ್ಲಿ ಪ್ರತಿಷ್ಠಿತ ವಿಶ್ವವಿದ್ಯಾಲಯಗಳಿಂದ ಸ್ನಾತಕೋತ್ತರ ಪದವಿ ಪಡೆಯಲು ಬಯಸುವ ವಿದ್ಯಾರ್ಥಿಗಳಿಗಾಗಿ ಐಬಿಎಂ ಕ್ಯೂ2ಡಿ–ಐಬಿಎಂ ಗ್ಲೋಬಲ್ ಪ್ರವೇಶ ಪರೀಕ್ಷೆ ಪ್ರಾರಂಭಿಸಿದೆ.

ಬೆಂಗಳೂರಿನ ಎಸ್‌–ವ್ಯಾಸ ಡೀಮ್ಡ್-ಟು-ಬಿ ವಿಶ್ವವಿದ್ಯಾಲಯವು ಎಂಬಿಎ, ಎಂಸಿಎ ಮತ್ತು ಎಂ.ಎಸ್‌ಸಿ ಕಂಪ್ಯೂಟರ್ ಸೈನ್ಸ್ ವಿದ್ಯಾರ್ಥಿಗಳಿಗೆ ಐಬಿಎಂ ಜೊತೆ ಪಾಲುದಾರಿಕೆಯಲ್ಲಿ ತೊಡಗಿಸಿಕೊಳ್ಳುವಿಕೆಯ ಈ ಮಾದರಿಯನ್ನು ಕಾರ್ಯಗತಗೊಳಿಸಿದ ದೇಶದ ಮೊದಲ ವಿಶ್ವವಿದ್ಯಾಲಯವಾಗಿದೆ.

ಐಬಿಎಂ ಗ್ಲೋಬಲ್ ಪ್ರವೇಶ ಪರೀಕ್ಷೆಯು (ಜಿಇಟಿ) ಎಂಬಿಎ, ಎಂಸಿಎ ಮತ್ತು ಎಂ.ಎಸ್‌ಸಿ ಕಂಪ್ಯೂಟರ್ ಸೈನ್ಸ್‌ಗೆ ಪ್ರವೇಶ ಪಡೆಯಲು ಐಬಿಎಂ ಕ್ಯೂ2ಡಿ ಅವಕಾಶ ಮಾಡಿಕೊಡಲಿದೆ. ಈ ಪರೀಕ್ಷೆಯ ಮೂಲಕ ಪ್ರವೇಶ ಪಡೆದ ವಿದ್ಯಾರ್ಥಿಗಳು ಐಬಿಎಂನ ಭವಿಷ್ಯದ ಪಠ್ಯಕ್ರಮದೊಂದಿಗೆ ಸಂಯೋಜಿಸಲ್ಪಟ್ಟ ವಿಶ್ವವಿದ್ಯಾಲಯದ ಕಾರ್ಯಕ್ರಮಗಳಿಗೆ ದಾಖಲಾಗಬಹುದು.

ಕೆಂಗೇರಿಯ ಸತ್ವ ಗ್ಲೋಬಲ್ ಸಿಟಿ ಟೆಕ್ ಪಾರ್ಕ್‌ನಲ್ಲಿರುವ ಎಸ್‌–ವ್ಯಾಸ ಕ್ಯಾಂಪಸ್‌ನಲ್ಲಿ ಐಬಿಎಂ ಕ್ಯೂ2ಡಿ ಮಾಸ್ಟರ್ಸ್ ಪ್ರೊಗ್ರಾಮ್ಸ್ ಒದಗಿಸಲಾಗುತ್ತದೆ ಎಂದು ಪ್ರಕಟಣೆ ತಿಳಿಸಿದೆ.