ಸ್ವಾತಂತ್ರ್ಯ ದಿನಾಚರಣೆ: 15 ಲಕ್ಷ ಜನರಿಗೆ ದಿನಸಿ ಕಿಟ್‌ ವಿತರಣೆ

ಬೆಂಗಳೂರು: ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ 15 ಲಕ್ಷ ಜನರಿಗೆ ದಿನಸಿ ಕಿಟ್‌ ವಿತರಿಸಲಾಗುವುದು ಎಂದು ರಾಬಿನ್‌ ಹುಡ್‌ ಆರ್ಮಿ ಸಂಸ್ಥೆ ತಿಳಿಸಿದೆ. 

ಸಂಸ್ಥೆಯ ಬೆಂಗಳೂರು ದಕ್ಷಿಣ ಜಿಲ್ಲಾ ಘಟಕದ ಸಂಚಾಲಕ ಯೂನೀಸ್‌ ಮಾತನಾಡಿ, ‘78ನೇ ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ‘ಸಂಕಲ್ಪ–78’ ಅಭಿಯಾನ ಹಮ್ಮಿಕೊಳ್ಳ ಲಾಗಿದೆ. ಆಗಸ್ಟ್‌ 1ರಿಂದ 15ರವರೆಗೆ ಈ ಅಭಿಯಾನ ನಡೆಯುತ್ತಿದ್ದು, ಐವರಿರುವ ಒಂದು ಕುಟುಂಬಕ್ಕೆ 10 ಕೆ.ಜಿ.ಯ ಒಂದು ಕಿಟ್‌ ವಿತರಿಸಲಾಗುತ್ತದೆ. ಪ್ರತಿ ಕಿಟ್‌ನಲ್ಲಿ 6 ಕೆ.ಜಿ. ಅಕ್ಕಿ, 2 ಕೆ.ಜಿ. ಬೇಳೆ, 2 ಕೆ.ಜಿ. ಗೋದಿ ಇರಲಿದೆ ಎಂದು ತಿಳಿಸಿದರು.