ಕಥಕ್ ನೃತ್ಯ ಕಲಾವಿದೆ ಚಿತ್ರಾ ವೇಣುಗೋಪಾಲ್ ನಿಧನ

ಬೆಂಗಳೂರು: ಕಥಕ್ ನೃತ್ಯ ಕಲಾವಿದೆ ಹಾಗೂ ನೃತ್ಯ ಗುರು ಚಿತ್ರಾ ವೇಣುಗೋಪಾಲ್ (88) ಅವರು ಶುಕ್ರವಾರ ನಿಧನರಾದರು. 

ಮೃತರಿಗೆ ಪುತ್ರಿ, ಪುತ್ರ ಇದ್ದಾರೆ. ಚಿತ್ರಾ ಅವರು ಕಥಕ್ ಗುರು ಮಾಯಾರಾವ್ ಅವರ ಸಹೋದರಿ. ಹರಿಶ್ಚಂದ್ರ ಘಾಟ್ ಚಿತಾಗಾರದಲ್ಲಿ ಶನಿವಾರ ಚಿತ್ರಾ ಅವರ ಅಂತ್ಯಸಂಸ್ಕಾರ ನೆರವೇರಿತು. 

ಉಡುಪಿ ಜಿಲ್ಲೆಯ ಹಟ್ಟಿಯಂಗಡಿ ಗ್ರಾಮದ ಚಿತ್ರಾ ಅವರು, ಕೇಂದ್ರ ಸರ್ಕಾರದ ಸಂಸ್ಕೃತಿ ಇಲಾಖೆಯಿಂದ ಫೆಲೋಷಿಪ್ ಪಡೆದು ರಷ್ಯಾದ ಬ್ಯಾಲೆ ಪ್ರಕಾರದಲ್ಲಿ ಪರಿಣತಿ ಪಡೆದಿದ್ದರು.